ဝတ္ထုကောင်း တစ်ပုဒ်ရဲ့ လျှို့ဝှက်ချက်နှင့် အကာလမရဏ

(က)
ဝတ္ထုကောင်း တစ်ပုဒ်ရဲ့ လျှို့ဝှက်ချက်ကတော့ အဲဒီ ၀တ္ထုမှာ ပါဝင်တဲ့ အဓိကဇာတ် ကောင်များ အပေါ် စာဖတ် ပရိသတ်က အာရုံ အပြည့်အ၀ ခံစားမှု ရရှိခြင်း ဖြစ်ပါတယ်။
ကိုယ့်ဝတ္ထုမှာ ပါဝင်မယ့် ဇာတ်ကောင်များ သက်ဝင် လှုပ်ရှားလာအောင် ဘယ်လို ဖန်တီး ရမလဲ ဆိုတာကို Sam Mc Carver က နည်းလမ်း ၈ သွယ်နဲ့ ဖော်ပြ ထားပါတယ်။

ဆရာ ဦးဝင်းငြိမ်းရဲ့ နှစ်ကြောင်းရေး တစ်ကြောင်းခြစ် ဆောင်းပါး ပေါင်းချုပ်မှာ ပါတဲ့ အသက်ရှိသော ဇာတ်ကောင်ဖြစ်ပါစေ ဆောင်းပါးထဲက စာပိုဒ်ပါ။ သည်ဆောင်းပါး ဖတ်ပြီးချိန်မှာတော့ ကျွန်တော်ဖတ်ခဲ့ဖူးတဲ့ စွဲလမ်းခဲ့တဲ့ ၀တ္ထုတိုများကို သတိရ သွားပါတယ်။ Sam Mc Carver ရဲ့ဆောင်းပါးမှာ အချက် ၈ ချက် ပါဝင်ပါတယ်။ သည် ၈ ချက်နဲ့ ကိုက်ညီတယ်လို့ ကျွန်တော် မှတ်ယူပြီး အလွန်နှစ်သက်ခဲ့တဲ့ ၀တ္ထုတို တွေထဲက ၀တ္ထုတိုတစ်ပုဒ်ကို ထုတ်ပြ ချင်တယ်။ အဲသည် ၀တ္ထုက ဆရာဝင်း စည်သူရဲ့ အကာလမရဏ ပါ။ ရွှေအမြု တေမဂ္ဂဇင်း ၁၉၉၄ ဖေဖော်ဝါရီမှာ ဖော်ပြခဲ့တာ ဖြစ်ပါတယ်။ ဆရာ ဦးဝင်း ငြိမ်းရဲ့ ၆၆ နှစ်ပြည့်မွေးနေ့ အမှတ်တရ စုစည်း ထုတ်ဝေတဲ့ ရွှေ ၆၆ ထဲမှာလည်း သည်ဝတ္ထုကို ပြန်လည်ဖော်ပြထားပါ တယ်။

(ခ)
၁။    ဇာတ်ကောင် တစ်ဦးချင်းဟာ သီးခြားဘ၀တွေ ရှိပါစေ။
ဆရာ ၀င်းစည်သူရဲ့ အကာလ မရဏ မှာ မန္တလေးထောင် ကြိုးတိုက်ကျ အကျဉ်းသားကို နောက်နေ့ ကြိုးပေး တော့မှာမို့ သရဏဂုံ တင်ပေးတဲ့ ဆရာ တော်ကြွလာတာနဲ့ ၀တ္ထုကို ဖွင့်ပါတယ်။ ဆရာတော်ရဲ့ သိက္ခာ၊ သမာဓိကို ဖွဲ့ပြ တာဖြင့် အလွန် ကျစ်လျစ်ပြီး မြင်သာ ထင်သာရှိပါတယ်။

“ဆရာတော်ကား အိုမင်း ရွတ်တွသော်လည်း မျက်နှာတော်မှာမူ ပကတိ တည်ငြိမ် အေးချမ်း လှပေသည်။ လမ်းဘေးဝဲယာသို့ လုံးဝကြည့်ရှုခြင်းမရှိ။ မြတ်စွာဘုရား သခင်လက်ထက်တော်က ချမှတ်ခဲ့သော ၀ိနည်းကို ယခုထက်တိုင် ဦးထိပ်ပန်ဆင်တော် မူဟန်ရှိသည်။ ရှေ့ ၄ တောင်ထက်ပို၍ အာရုံစိုက်ခြင်းမရှိ။ နှုတ်က တလှုပ်လှုပ် တရွရွ။ သို့သော် အသံမထွက်။ တရားဓမ္မတစ်ခုခုကို ရွတ်ဖတ်သရဇ္ဈာယ်ခြင်းသာ ဖြစ်ပေမည်။
အဓိကဇာတ်ကောင် ကိုထွန်းဖေရဲ့ ရုပ်လက္ခဏာကို-
“အာလူးသီးလို မညီညာသော ကိုထွန်းဖေ၏ ခေါင်းမှာ ခေါင်းတုံးနှင့် လုံးဝ လိုက်ဖက်ခြင်းမရှိ”
ကိုထွန်းဖေ အသက်ကို-
“သည်နှစ်တွင်တော့ ဒုလ္လဘ ၈ ပါးထဲတွင် ကိုထွန်းဖေသည် တစ်ပါးအပါအ၀င် ဖြစ်ခဲ့၏။ အရင်နှစ်များတုန်းက ၀တ်လိုသော်လည်း အသက် ၂၀ တင်းတင်း မပြည့် သေး၍ မ၀တ်ခြင်းဖြစ်သည်ဟုလည်း သူက ဆိုသည်” ဆိုပြီး ဆရာ ၀င်းစည်သူက ပြသွားပါတယ်။

ကိုထွန်းဖေက တံတားဦးနယ်မှာ ရှိတဲ့ ရွာကလေးကနေ မန္တလေးမုန့်တိုက်မှာ ငယ်ငယ်ကတည်းက ရောက်လာတဲ့ မုန့်တိုက် အလုပ်သမား။ ဆရာတော်က မန္တလေးတောင်ခြေရှိ တောရကျောင်းကလေးမှာ သီတင်းသုံးတဲ့ ဆရာတော်။

၂။    ဇာတ်ကောင်များရဲ့ခံစားမှု၊ လှုပ်ရှားမှု၊ တွေးတောဆင်ခြင်မှုများကို စာဖတ် ပရိသတ်သိအောင် ဖော်ပြပေး။
ဆရာတော်ဆီ ကိုထွန်းဖေ သကာရည်အိုး ကပ်လှူတာနဲ့ ဇာတ်ဆောင်တွေရဲ့စရိုက်ကို ဖော်ကျူးပုံက-
“ဘာများ လျှောက်စရာရှိလို့လဲ ဒကာလေးရဲ့”

ဆရာတော်က နှုတ်ခမ်းစေ့၍ပြုံးရင်း အေးဆေးတည်ငြိမ်သောအသံနှင့်မေးသည်။
“ထောင်ထဲမှာကြိုးပေးတဲ့အကြောင်းပါ ဘုရား”

“ဆရာတော် စိတ်မဆင်းရဲဘူးလား ဘုရား”

“ပုထုဇဉ်ပဲကွယ်၊ ဆင်းရဲတာပေါ့”

“တခြားဆရာတော်တွေကို မပင့်ခိုင်းဘူးလား ဘုရား”

“ငြင်းတော်မူသတဲ့ကွယ်”

“ဘယ်အခါမှာ လူသတ်ဖြတ်ကြပါသလဲ ဘုရား”

“အ၀ိဇ္ဇာတရား ၃ ပါးအနက် လောဘလွန်ကဲရင်လည်း ဖြစ်နိုင်တာပဲ။ ဒေါသ လွန်ကဲရင်လည်း ဖြစ်နိုင်တာပဲ။ မောဟလွန်ကဲရင်လည်း ဖြစ်နိုင်တာပဲ။ လောဘ၊ ဒေါသ၊ မောဟဆိုတာ ပုထုဇဉ်တွေနဲ့ မကင်းတာမှန်သော်လည်း အစွန်းတော့ မရောက် သင့်ကြဘူးပေါ့ကွယ်”

၃။    ဇာတ်ကောင်ကို အဓိပ္ပာယ်ရှိသော ရည်မှန်းချက်များနှင့် စိန်ခေါ်သော တိုက်ပွဲများ ဖန်တီးပေးရမည်။
ကိုထွန်းဖေ ရဟန်းခံပြီး အိမ်ထောင်ပြုတော့မည်။
“မင်္ဂလာ ဆောင်ပြီးရင် ရွာမှာထားခဲ့မှာလား၊ ဒီကို ခေါ်လာခဲ့မှာလား”

“ခေါ်ခဲ့မှာပေါ့ကွ၊ ဆရာက အခန်းလေး တစ်ခန်း ငှားပေးမယ်လို့တောင် ပြောထား ပြီးပြီ”

သူဘာကိုတွေးကာ ပြုံးလေသည်မသိ၊ ကျွန်တော်နှင့်လည်း စကားမပြောဖြစ်။
သို့သော် ကံကြမ္မာမုန်တိုင်းသည် ကိုထွန်းဖေ၏ရင်ဝကိုမှ တည့်တည့်ဝင်ကာ မွှေနှောက်လေရော့သလား၊ ခလောက်ဆန်လေရော့သလား မသိ။ မဏ္ဍပ်နှင့် ကနားနှင့် ထမင်းရုံနှင့် အသံချဲ့စက်နှင့်ကိန်းကြီးခန်းကြီး ပြုလုပ်ထားသော မင်္ဂလာဆောင်မည့် နံနက်ခင်းတွင် သတို့သမီးသည် တစ်ရွာတည်းအတူနေ ရည်းစားနောက်သို့ ကောက် ကောက်ပါအောင် လိုက်ပြေးသွားခဲ့သည်ဆိုပဲ။ သည်တော့ သူငှက်ကြီးတောင်ဓားကို ဆွဲတော့သည်။ အဓိပ္ပာယ်ရှိသောရည်မှန်းချက်၊ စိန်ခေါ်သောတိုက်ပွဲဆိုတဲ့ အကျိုးပြုပုံစံ ခွက်မှာမဟုတ်ဘဲ ၀တ္ထုရဲ့ Tempo ကတော့ အဲသည် Climex ဘောင်ကနေ ထွက်မသွား ဘူးလို့ပဲ ထင်ပါတယ်။

၎။    ဇာတ်ကောင် တစ်ဦးချင်းစီရဲ့အမူအကျင့်၊ အပြောအဆိုများ သီးခြားစီ ဖြစ်ပါစေ။
ဆရာတော်နဲ့ ကိုထွန်းဖေတွေ့ဆုံခဲ့တာမှာ-
“ဆရာတော် တရား ဟောနေတဲ့အခါ တရားခံဟာ တည်ငြိမ်ပါသလား ဘုရား”

“တချို့လည်း မျက်ရည်ပေါက် ပေါက်ကျလို့၊ တချို့လည်း သွေးရူးသွေး တန်းလျှောက်ပြောလို့၊ တချို့လည်း နှုတ်ခမ်းကို သွေးများထွက်အောင် ဖိကိုက်လို့။ အင်း တည်ငြိမ်တဲ့သူဆိုတာ ရှားတယ်။ ရှိလှမှ ဆယ်ဦးတစ်ဦးပေါ့ ကွာ။ သေခြင်းတရားနဲ့ ရင်ဆိုင်ရတော့ မယ်ဆိုတဲ့အခါ မတုန်လှုပ်ဘူးဆိုတာ ဘုရားရဟန္တာအဆင့်မှာသာ ဖြစ်နိုင်ပေတာကိုး။ ပြီးတော့ ကိုယ်သေရမှာလည်း သေရိုးသေစဉ်မဟုတ်။ အကာလမရဏ ဆိုတော့ ပိုပြီးတုန်လှုပ်ချောက်ချားရှာကြ ပေတာပေါ့ကွယ်”

ကိုထွန်းဖေ ကြိုးပေးခံရတဲ့ အကျဉ်းသားကို စိတ်ဝင်စားတယ်၊ တုန် လှုပ်ချောက်ချား ရွံ့ကြောက်မှုလည်း ရှိ ပါလိမ့်မယ်။ ဒါကို ကိုထွန်းဖေ၊ ဆရာ တော်စကားများနဲ့ ဆရာ ၀င်းစည်သူက သိမ်သိမ်မွေ့မွေ့ ပြသွားတာပါ။ ဆရာ တော်နဲ့ ကိုထွန်းဖေ အမူအကျင့်က သီးခြားစီ ဖြစ်နေပါပြီ။ ဆရာတော်က တည်ငြိမ် အေးချမ်းသူ၊ ကိုထွန်းဖေက စိတ်လှုပ်ရှား ပူလောင်သူ။

၅။    လက်တွေ့ဘ၀မှာလို ဇာတ် ကောင်များကို မကောင်းတာနဲ့ ကောင်း တာတွေ ရှိပါစေ။
ကိုထွန်းဖေက ဘာသာတရား ကိုင်းရှိုင်းသူ ရိုးသားဖြောင့်မတ်သူ ဖြစ်ပါတယ်။ ဒါကို ဆရာ့ဝတ္ထုမှာ ပုံဖော် ပြပြီးသားပါ။ ပြီးတော့ အရှက်အကြောက် ကြီးပြီး ဒေါသမထိန်းချုပ် နိုင်တော့တာကိုလည်း-
ကိုထွန်းဖေ ထန်းတဲထဲသို့ ပြန်ဝင်သည်။ သတို့သမီးမှာ သားရဲတစ်ကောင်၏ ရှေ့၌ ရောက်နေသော ယုန် သူငယ်လေးလို ကြက်သေသေ နေသည်။
“နင့်ကြောင့် ငါတို့အားလုံး အရှက် ကွဲရတယ်”

ကိုထွန်းဖေ သတ္တိကောင်း၏။ သူ့ ဓားကိုသူထမ်းကာ တံတားဦး ရဲဌာနသို့ သွားရောက်အဖမ်းခံသည်။

၆။    မိမိဖန်တီးမယ့် ဇာတ်ကောင် ရဲ့ စရိုက်နဲ့ကိုက်ညီတဲ့ အမည်နာမ ပေးတတ်ဖို့လည်း လိုအပ်ပါတယ်။
ကိုထွန်းဖေဆိုတဲ့ နာမည်က ကြားကျတဲ့ နာမည်ပါပဲ။ တောကနေ မြို့ ရောက်သွားသူ တစ်ယောက်၊ ပြီးတော့ ခေတ်ကာလက ၁၉၅၇ ၀န်းကျင်၊ သည်နာမည်က အဲသည်ခေတ်မှာ ပေးလေ့ပေးထ ရှိတာမျိုးမို့ လိုက်ဖက်တယ်လို့ ကျွန်တော် ထင်တာပါပဲ။

၇။    ၀တ္ထုထဲမှာ ပြင်ပက ထင်ရှားတဲ့ သူတစ်ဦးကို ဇာတ်ကောင်အဖြစ် ထည့်သုံးတော့မယ်ဆိုရင် သူ့ကိုလည်း ဇာတ်ကောင် အဖြစ်သာ သဘောထားပါ။
အကာလမရဏ ၀တ္ထုထဲက ဆရာတော်က ပြင်ပမှာ တကယ် ရှိခဲ့ပါတယ်။ “ဦးကေသရ”ဘွဲ့ အမည်ရှိပေမဲ့ ရွှေမန်းတင်မောင် ကျောင်းသားဘ၀က စာပေ ပရိယတ္တိသင်ကြားပေးခဲ့ခြင်းကို အစွဲပြု ပြီး ရွှေမန်း ဆရာတော်လို့တောင် အခေါ် ခံရသူဖြစ်ပါတယ်။ ဒါကို ဆရာဝင်းစည်သူ ၀တ္ထုထဲမှာ အကွက်ကျကျ ထည့် သုံးသွားပါတယ်။

၈။    ဇာတ်ကောင်တစ်ဦးနဲ့ တစ်ဦး ဆက်ဆံမှုမှာ လူဆန်ပါစေ။
အကာလ မရဏထဲက စာရေးသူ (ငယ်စဉ်ဘ၀)နဲ့ ကိုထွန်းဖေတို့ ပြောဆို ဆက်ဆံပုံလေးတွေ ကြည့်ပါဦး။

“ဟေ့ကောင် နက်ကလေး၊ ငါနဲ့ လိုက်ခဲ့၊ မင်းအမေကို ငါပြောခဲ့ပြီးပြီ”

“ဟာဗျာ ကစားလို့ကောင်းနေ တုန်းရှိသေး”

“လာပါကွာ၊ မင်းရှုံးထားရင် လည်း အပြန်ကျတော့ငါပြန်ဝယ်ပေးပါ့ မယ်။ ဟော့ဒီသကာရည်အိုးကို ဆရာတော်ဆီ သွားကပ်ချင်လို့။ မင်းလည်း ကုသိုလ်ရတာပေါ့ နက်ကလေးရ”
ကဲ ဘယ်လောက်လူဆန်ပြီး စရိုက် မှန်သလဲ။

(ဂ)
ကမ္ဘာ့စာပေမှာ အောင်မြင်နေသူ ဆရာ၊ ဆရာမတွေရဲ့ ၀တ္ထုတို၊ ရှည်နဲ့ ပတ်သက်တဲ့ အယူအဆတွေကို ဆရာ ဦးဝင်းငြိမ်းက Writer မဂ္ဂဇင်းထဲကနေ ဘာသာပြန်ပြတဲ့ အပြင် ဆရာတွေ့ကြုံ ဖြတ်သန်းနေရတဲ့ အယ်ဒီတာ ဘ၀မှာ အားမလို အားမရဖြစ်ရတဲ့ ၀တ္ထုတွေ၊ ကျေနပ်ပီတိ ဖြစ်ရတဲ့ ၀တ္ထုတွေနဲ့ပါ ချိန်ထိုး ပြသွားတာမို့ ၀တ္ထုရေးဖွဲ့သူတွေ၊ ရေးဖို့ကြိုးစား နေသူတွေ ဖတ်ထားသင့်တဲ့ စာအုပ်အဖြစ် နှစ်ကြောင်း ရေးတစ်ကြောင်းခြစ်ကို ညွှန်းဆိုချင်ပါတယ်။

နောက် ဆရာ ဦးဝင်းငြိမ်း အသက် ၆၆ နှစ်ပြည့် အမှတ်တရထုတ်ဝေတဲ့ ရွှေ ၆၆ ၀တ္ထုတို ပေါင်းချုပ်ကိုလည်း ဖတ်ကြည့်ပါဦး။ ရွှေအမြုတေ မဂ္ဂဇင်းမှာ ဆရာ ရွေးချယ်ဖော်ပြခဲ့တဲ့ ၀တ္ထုတိုတွေ စုစည်းထားတာပါ။

နှစ်ကြောင်းရေးတစ်ကြောင်းခြစ် ထဲက ၀တ္ထုတိုသီအိုရီတွေ ဖြစ်တဲ့-
အနုပညာသမား ဆိုတာ အချက်အလက်ကို စိတ်ဝင်စားတဲ့သူတွေ မဟုတ်ဘူး၊ အမှန်တရားကိုသာ စိတ်ဝင်စားတာ။ အချက်အလက် ဆိုတာပြင်ပက ရနိုင်တယ်။

ဝတ္ထုရေးဆရာ ဆိုတာ စာကိုရင်နဲ့ ရေးပါတယ်။
ပရိသတ် ယုံကြည်မှု မရှိလောက်တဲ့ ဇာတ်ကောင်များကို ဖန်တီးရေးဖွဲ့ခြင်းဟာ ၀တ္ထုကို အများကြီး အားပျော့သွားစေပါတယ်။ ဒါကြောင့် စာရေးဆရာ တစ်ယောက် အနေနဲ့ စာမျက်နှာများပေါ်မှာ သက်ဝင် လှုပ်ရှားနေတဲ့ ဇာတ်ကောင်များကိုသာ ဖန်တီး ပါ။ ဒီလို ဖန်တီးနိုင်ဖို့ဆိုတာ စာရေးဆရာရဲ့စွမ်းရည်ပေါ် မူတည်သလို ရိုးသား ဖြူစင်မှု ပေါ်မှာလည်း အများကြီးတည်မှီနေပါတယ်။

ဝတ္ထုတစ်ပုဒ်ရေးတယ်ဆိုတာ အသင့်လုပ်ထားတဲ့ ဘလောက်တုံးတွေကိုဆင့်ပြီး တည်ဆောက်သွားသလိုပါပဲ။
ဆိုတာတွေနဲ့ကိုက်၏ မကိုက်၏၊ ညီ၏ မညီ၏ သုံးသပ်ကြည့်ပါဦး။ စာရေး သူဆိုတာကလည်း ရင်ထဲရှိတဲ့၊ နှလုံးသားထဲမှာရှိတဲ့၊ ပြီးတော့ ၀မ်းစာရှိတဲ့အတိုင်း ချရေးလိုက်တာများတယ်ဆိုပေမဲ့ ရေးပြီးသားကို အကြိမ်ကြိမ်ဖတ်ရင်း အောင်မြင်တဲ့ စာရေးဆရာများရဲ့ နည်းနာလေးတွေအတိုင်း လိုဖြည့်၊ ပိုဖြုတ် လုပ်ကြည့်ရင် ပို မကောင်းပေဘူးလား။

“နှစ်ကြောင်းရေးတစ်ကြောင်းခြစ်” ကို စာနဒီစာပေတိုက်ကထုတ်ပြီး၊ “ရွှေ ၆၆” ကို ကံ့ကော်ဝတ်ရည်စာပေတိုက်တို့က ထုတ်ပါတယ်။ ၀တ္ထုတိုချစ်သူများကိုယ်စား စာနဒီနဲ့ ကံ့ကော်ဝတ်ရည်ကိုပါ ကျေးဇူးတင်ပါတယ်။

ပြီးတော့ ၁၉၉၄ ဇန်န၀ါရီမှာ ကွယ်လွန်ခဲ့တာကြောင့် အကာလမရဏ ပုံနှိပ် စာမူကို ဖတ်မသွားရရှာတဲ့ ဆရာ ၀င်းစည်သူကိုလည်း လွမ်းတနေပါတယ်။  
ရဲသျှမ်း
(ရွှေအမြုတေ မဂ္ဂဇင်း၊ဩဂုတ်လ ၂၀၁၂)
စာတည်းမှတ်ချက် ။ ။
စာရေးဆရာ ၀င်းစည်သူ ရေးသားပြီး ၁၉၉၄ ခုနှစ်၊ ဖေဖော်ဝါရီလထုတ် ရွှေအမြုတေ မဂ္ဂဇင်းတွင် ဖော်ပြပါရှိခဲ့သည့် အကာလမရဏ ၀တ္ထုတိုကို ရွှေအမြုတေ စာဖတ်သူများ ယခုဆောင်းပါးနှင့် အတူ ယှဉ်တွဲ ဖတ်ရှုလေ့လာနိုင်ရန် ယခုလထုတ် ရွှေအမြုတေ မဂ္ဂဇင်း ရွှေဝတ္ထုများ ပြန်လည် တူးဖော်ခြင်း ကဏ္ဍတွင် ပြန်လည် ဖော်ပြထားပါသည်။
၊စာတည်း၊

ကြီးတောင်နဲ့ တည်းပါ

၁။
အလုပ်သဘော အရ ကျွန်တော်က လူအများနှင့် ဆက်ဆံ နေရပါသည်။
လူအများ မှာမှ လူတကာ စုံသည့် ဘူတာရုံ ဆိုတော့ ဘူတာ ရုံဝန်ထမ်း ကျွန်တော်နှင့် ဆက်ဆံရသူ လူအများက အရောင် အသွေး စုံလှပါသည်။ တောက်ပသူ၊ မြောက်ကြွသူ၊ မွဲရော်သူ၊ လွဲချော်သူ တွေအပြင် ရစ်သူ၊ ယစ်သူ တွေကိုပါ တွေ့နေရ တာမို့ ကျွန်တော့် လူမှု ဆက်ဆံရေးက တိမ်လိုက်၊ နက်လိုက် ဖြစ်နေတတ် ပါသည်။ တစ်ခါတစ်ရံ မှာတော့ ဘူတာကြီး ဂိတ်ထိုး တက္ကစီ ကားသမားများက ကားခေါင်းထဲ ကနေ လက်ကိုင်ဖုန်းဖြင့် ကျွန်တော့် ရုံးကို လှမ်းခေါ်ပြီး ရထား ဆိုက်ရောက်မည့် အချိန်တွေကို မေးတတ်သည်။ တချို့က ယဉ်ယဉ်ကျေးကျေး၊ တချို့က မောက်မောက် မာမာ၊ ငါဘယ်သူ ဘယ်ဝါဆိုပြီး ခပ်တည်တည် ဖိန့်တတ် သည်။ ဟုတ်ကဲ့ အဘချင်း ထပ်အောင် ပျာနေသော ၀န်ထမ်း အချို့ အပေါ် ၀မ်းထဲ က ကျိတ်ရယ် နေသော သူတွေက ၀န်ထမ်း အားလုံးကို တစ်တန်းစားတည်း ထား သတ်မှတ် လေသလား မသိ၊ ဒါကို ပဲ သာယာပြီး ဖုန်းနှင့် ကလိတိတိ ရိ တိတိ လုပ်တတ်သည်။ ကျွန်တော်က တော့ အတွေ့ အကြုံအရ အထာနပ်နေ တာကြောင့် ခပ်ဆတ်ဆတ်၊ ခပ်မာမာပဲ တုံ့ပြန် ဖြစ်ခဲ့သည်။ ဖုန်းယဉ် ကျေးမှုနှင့် ယဉ်ပါးဖို့ ကျွန်တော်တို့ နိုင်ငံသားတွေ ကို သင်တန်းပေး ရမလို တောင်ဖြစ်နေပြီ။

အခုတလော ကြုံတွေ့ နေရတာ ကတော့ ရထား လက်မှတ်ခ မရှိသည့် အတွက် ရထား အခမဲ့ စီးနင်း ခွင့်ပြုပေး ပါရန် လာရောက် အကူအညီ တောင်းသူ များ ပို၍ပို၍ များပြား လာခြင်းပင်။ မိသားစုလိုက် ရောက်လာသူ၊ တချို့ နှစ် ယောက်တွဲ၊ တချို့ တစ်ယောက်တည်း။ အားလုံးသော သူတွေ၏ မျက်ဝန်း အရောင်များက တစ်ပုံစံတည်း ဖြစ်နေ သည်ကိုတော့ သတိထား မိနေသည်။
ဖြစ်စဉ် တော်တော် များများက ဇာတိ အရပ်မှာ နွမ်းပါးချို့တဲ့၊ မ၀ရေစာ ဖြစ်နေ သဖြင့် ရွှေမြို့တော် ကြီးသို့ အရဲစွန့် ရောက်လာ ကြပြီး ဆွေမရှိ၊ မျိုး မရှိ၊ ကူညီမည့်သူမဲ့။ နောက်ဆုံးတော့ ဇာတိ မွေးရပ်သို့သာ တပ်ဆုတ် ပြန်ကြ ရလေပြီ။ သည်မှာ တင်ပဲ ကျွန်တော့် ရုံးခန်းလေး က အရှုံးတွေ တစ်ပွေ့ တစ်ပိုက်နှင့် ငတ် မွတ်ဆာ လောင်မှု အရောင် အရိပ်တို့ ထင်ဟပ်စွန်းထင်း နေသူတို့၏ ရိပ်မြုံကလေး ဖြစ်မှန်း မသိ ဖြစ်နေပါ တော့သည်။

“ဆရာကြီး ကူညီ ပါဦးဗျ။ ကျောက်မဲ အထိ ပြန်ရမှာ။ မနေ့ညနေ စာကတည်းက အခုချိန်ထိ ထမင်း မစား ရသေး ဘူးဗျ။ မစားရလည်း ရတယ် ဗျ။ ရထား စီးဖို့ ထောက်ခံ ပေးပါဗျ”
ရှမ်းသံ ၀ဲဝဲဖြင့် ပြောလာသူ အသက် ၆၀ ခန့် ဦးကြီးမှာ ဟန်ဆောင်မှု မိတ်ကပ် မရှိ။

“ဘယ်လို ဖြစ်လာတာ လဲဗျာ”
“အရင်က စာတိုက်မှာ ပြာတာ လုပ်တယ်ဗျ။ ပိုလျှံ ၀န်ထမ်း တွေဖြုတ် တော့ အလုပ် ပြုတ်တယ်။ လားရှိုးတက် ကုန်လိုက် ထမ်းတယ်။ နောက်ပိုင်း အလုပ် မကောင်းတော့ ကျောက်မဲပြန် ခြံ ခုတ်လိုက် တယ်ဗျ။ လားရှိုးကုန်ထမ်း တုန်းကခင်တဲ့ ကိုကျော်အေး ရန်ကုန် လှိုင်သာယာမှာ အလုပ်ခေါင်း ဖြစ်ပြီး အဆင်ပြေ တယ်လို့ ကားဆရာ ကိုစော ပြောတယ်ဗျ။ ဒါနဲ့ လာခဲ့တာ ပိုက်ဆံ ၅၀၀၀ ပါတယ်။ ကားခနဲ့ ကုန်တာပဲ ဗျ။ ကိုကျော် အေးလည်း မတွေ့ဘူး။ ပိုက်ဆံလည်း ကုန်ပြီ။ ကျောက်မဲ ပြန် ချင်တယ် ခင်ဗျ”

ကျွန်တော့် ရင်ဘတ်မှာ စူးနင့်နင့် ဖြစ် ထိခိုက် ခံစား နေရပေမဲ့ ဦးကြီးပုံက တော့ လောကဓံရဲ့ အထု အထောင်းကို အသား ကျနေ ပုံရသည်။ ကျွန်တော် ကူညီ ရပါမည်။ ဘယ်လို ကူညီ မည်လဲ။ မန္တလေး အထိ ရိုးရိုးတန်း လက်မှတ်ခ ၄၆၅၀ ကျပ်ကိုတော့ ကျွန်တော့်ဘက်က အိတ်စိုက် မစွန့်စား ရဲပြန်။ ကိုယ်ပိုင်ရာ၊ ဆိုင်ရာ တွဲထိန်း၊ လက်မှတ်သိမ်း တို့ကို ခေါ်အပ်ပြီး ရထားပေါ် တင်ပေးလိုက် ကာ ငွေတစ်ထောင် ကျပ်သာ လမ်းသုံးဖို့ ပေးလိုက် နိုင်သည်။

“ကျေးဇူးတင် ပါတယ်ဗျ။ ကျောက်မဲ ရောက်ရင် ဈေးမှာ မေးပါဗျ။ စိုင်းလိတ်ဆို လူတိုင်း သိတယ်ဗျ။ ဆရာ့ ကို အမြဲ ကျေးဇူးတင် နေမယ်နော”
ကျွန်တော့် ကူညီ စွမ်းဆောင်မှု လေးက ပါးပါး လျှပ်လျှပ် လောက်လေး ပေမဲ့ ဦးစိုင်းလိတ်၏ ကျေးဇူး စကားတွေက ထုနှင့် ထည်နှင့်ကို ရှိလောက် သည်ဟု ထင်ပါသည်။
ရထား ဥပဒေ အရ လက်မှတ်မဲ့ မပါ ရှိရေးအတွက် လက်အောက် ၀န်ထမ်း တွေကို ညွှန်ကြား နေသူ ကျွန်တော်က ရထား လက်မှတ်မဲ့ တင်ပေး လိုက်ခြင်း အပေါ် လိပ်ပြာသန့် ခဲ့သော်လည်း မီးရထား ၀င်ငွေ ၄၆၅၀ကျပ် လျော့နည်းခြင်း အတွက် အပြစ် တစ်ခုလို ရှိနေပါ လိမ့်မည်။

နေ့စဉ် သိန်းပေါင်း များစွာ၊ သန်းပေါင်း များစွာ ယိုဖိတ် လေလွင့် စေခဲ့သော၊ ကိုယ်ကျိုး ရှာခဲ့သော၊ အတ္တ ဗဟိုပြု ခဲ့သော သူတို့၏ ကိန်းဂဏန်း မှတ်တမ်း မှတ်ရာ များကို ဥပေက္ခာ ပြုနိုင် သူတို့သည် ၀င်ငွေ ၄၆၅၀ ကျပ် ဆုံးရှုံး မှုအပေါ် စာအုပ်ကြီး အတိုင်း မူဘောင် ဖြင့် ဆောင်ရွက်ကြ လေသောအခါ လက် မှတ်မဲ့ တင်ပေး လိုက်သူ ကျွန်တော်နှင့် ငြိစွန်း ရပြန်သည်။

၂။
ရုံးခန်းဝမှာ ပြူတစ် ပြူတစ် လုပ် နေသော လူငယ်လေးကို မြင်လိုက်ရ တော့ ကျွန်တော့်မှာ ဆရာ ကြူးနှစ်၏ ၀တ္ထုတို အရေး အဖွဲ့များတွင် တွေ့ရ တတ်သော အဖွဲ့ အနွဲ့မျိုးကို သတိရ သွား သည်။ ပိုးဟပ်ဖြူ ဆိုသော အကောင် ငယ်လေးသည် သည်လူငယ်နှင့် တွေ့ လျှင်တော့ ဖြူနိုင်လိမ့် မည်မထင်။ ဟောက်ပက် နေသော မျက်တွင်းက ရေ တစ်ဖန် ခွက်လောက် လောင်းထည့်လျှင် တောင် ရလိမ့်မည် ထင်သည်။ ချည့်နဲ့နေ သည့် ခါးက လက်ညှိုးနှင့် တောက်လိုက် ရုံဖြင့် မတ်တတ် ကနေ လဲပြိုသွား လောက် ပေမည်။ အဲသည်လို အဖွဲ့ မျိုးပါပဲ။
“၀င်ခဲ့ပါကွာ ကဲ ပြော”

ကျွန်တော့် စကားသံကို သူ ဖတ် တတ်ဟန် တူသည်။ ရွံ့ကြောက်သော အမူအရာက အနည်းငယ် ပြေလျော့သွား ပုံရသည်။
“ဦးရယ် ကျွန်တော်တို့ မိသားစု အလုပ် ရမယ်ဆိုလို့ အမေ အိုကြီးပါ ခေါ်ပြီး ရွာက အိမ်ဝိုင်းလေး ၂ သိန်းနဲ့ ရောင်း လိုက်လာ ခဲ့တာ။ ခေါ်လာတဲ့ သူက သန်လျင်ဘက်က တဲလေးတစ် လုံးမှာ ထားခဲ့ပြီး ပျောက်သွား တော့ တာပဲ။ အိမ်ရောင်းလို့ ပါလာတဲ့ ပိုက်ဆံ နဲ့ မှတ်ပုံတင် တွေပါ သူ့နောက် ပါသွား တယ်။ အလိမ်ခံ ရတာ ပါခင်ဗျာ။ ဟိုလူကျွေး သည်လူကျွေးနဲ့ အသက် ဆက်ခဲ့ ရတာပါ။ အခု ရွာပြန် တော့မယ်”

ကျွန်တော်ကား နဂိုဓာတ်ခံ နှလုံး သား မာကျောသူ မဟုတ် လေတော့ ရုံးခန်း အပြင် ထွက်ကြည့် မိသည်။ ၂ကို ဇောက်ထိုး လုပ်ထားသည့် ပုံသဏ္ဌာန် ဖြစ်နေသည့် ခါးကိုင်းကိုင်း အသက် ၈၀ ခန့် အမေ အိုကြီး၊ ရင်ခွင်ထဲ ရှိ ကလေးကို နို့ပိန်လေး တိုက်ကျွေးနေ သည့် သားသည် မိခင်ငယ်။ အားလုံး၏ မျက်ဝန်း များမှာတော့ အားကိုး တကြီး ဆိုသည့် ဝေါဟာရတို့ ခိုဝင်လျက်။

သူတို့ သွားရမည့် ခရီးစဉ်ကို မေး ကြည့်တော့ ပြည်ဟို ဘက်ကမ်း ပန်း တောင်းနယ် ထဲက ရွာကလေးဖြစ် နေသည်။ နေ့ ၁ နာရီ ရထားနှင့် လိုက်သွားလျှင် ပြည်ကို တိုက်ရိုက် ရောက်မှာ ပေမဲ့ သူတို့ ရောက်လာချိန်က ညနေ ၃ နာရီခန့်မို့ ရွှေတံခါး ဘူတာ ဆင်းပြီး ခရီးဆက်ရ မည့် ပုဂံ ရထားသာ ရှိတော့သည်။ ၁ နာရီလောက် အချိန်ရ သေးသည့် အတွက်-
“ကဲ လောလောဆယ် ထမင်း သွားစားကွာ။ ဘူတာ အပြင်ထွက်ရင် ဂုံးတံတားကြီး အောက်မှာ လက်ဖက် ရည်၊ ထမင်းကြော်တို့ ရောင်းတဲ့ ဆိုင် ရှိတယ်။ တစ်ခုခု သွားစားကြ။ ရထား ပေါ်စားဖို့ ထမင်းကြော် ၃ ထုပ်နဲ့ ရေသန့် တစ်ဘူး ပါယူသွား။ စားပြီးရင် ရုံးခန်း ပြန်လာ ခဲ့နော်။ ကဲ သွား သွား ငါ အဲဒီဆိုင်ကို ဖုန်းဆက် လိုက်မယ်”

အိတ်ကပ် ထဲက ပမာဏသည် လက်ဖက်ရည် တစ်ခွက် ဖိုးစာမျှသာ ရှိသည်မို့ စာရင်းမှတ်၍ ရသောဆိုင် ကို ညွှန်းဆို လိုက်ခြင်း ဖြစ်သည်။
နာရီဝက်ပင် မကြာ သူတို့ မိသားစု ကျွန်တော့် ရုံးခန်း ပြန်ရောက် လာကြ သည်။ ဆိုင်ကို ဖုန်းဆက် မေးထားပြီး သားမို့ စုစုပေါင်း ကျသင့်ငွေ ၄၀၀၀ ကျပ်၊ လက်မှတ် ၃ စောင်က ၆၀၀၀ ဆိုတော့ ငွေတစ်သောင်း တောင် ဆို သည့် အတွေး ၀င်လာသည်။ စီးဆင်း နေသော စေတနာ စမ်းချောင်းလေး ရုတ်တရက် ရပ်တန့်သွား လေပြီလား။

ရုံးလုလင်လေးကို စာတိုလေးတွေ ရေးပေးပြီး ကျပ်တိ ကျပ်တည်း ကြားမှာ ကိုပဲ ဟိုက သည်က တိုးဝင် လာတတ် သော ပါဆယ်ရုံ၊ လပ်ဂိတ်၊ လက်မှတ်ရုံ တို့ဆီ အကူအညီ တောင်းမိ သွားသည်။
ရုံးလုလင်လေး ပြန်ရောက်လာ တော့ ဒုက္ခသည် မိသားစု လေးအပေါ် ၀ိုင်းဝန်း ထောက်ပံ့လိုက်သော ခြင်္သေ့ရုပ် လေးများ ဖြန့်ခင်း လိုက်သည့် အခါ တစ် သောင်းနှစ်ထောင်ရှိသည်။ လက်မှတ် ၃ စောင်ဖိုး နုတ်လိုက် လျှင် ၆၀၀၀ ပို မည်။ ဂုံးတံတားအောက် ကဆိုင်ကို ရှင်း ပေး ရမည်က ၄၀၀၀ ကျပ်။ လေး ထောင် ကျပ်ကြီး တောင်။

ကျွန်တော်သည် ၄၀၀၀ ကို နုတ် ယူလိုက် ရမလား။ နုတ်ယူလိုက်ရင် ၂၀၀၀ တော့ ကျန်ဦးမှာပဲလေ။ ဒါ လောက် ကူညီတာ ကိုပဲ အားရ၀မ်းသာ ကျေနပ် သွားကြမှာ မဟုတ်လား။ ဟာ မဟုတ်သေး ပါဘူး၊ ပိုက်ဆံ လိုက်မစုခင် အထိ တစ်ခုခု စားဖို့၊ လမ်းစား ဖို့တောင် ယူသွားဖို့ စိတ်စေတနာ ပြတ်ပြတ် ဆုံး ဖြတ်ခဲ့တာ မဟုတ်လား၊ ပိုက်ဆံမြင် တော့ စိတ်ပြောင်း သွားတာလား။ လေး ထောင်တည်း ပါလို့ ခံယူခဲ့ ပြီးသား မဟုတ်လား။

လေးထောင် ကြီးတောင်၊ လေး ထောင် တည်းပါ။ ကြီးတောင်နှင့် တည်း ပါ ကြား ကျွန်တော် အခိုက် အတန့် ဗျာ များသွား သည်ကို ၀န်ခံ ရမှာပဲ ဖြစ်ပါ သည်။

“ရော့ ၆၀၀၀ ယူသွား၊ ရွှေတံခါး ဘူတာထိ လက်မှတ် ၀ယ်ပေးလိုက်။ မှတ်ပုံတင် ပါမရှိတော့ ဘူးဆိုတော့ နာမည်နဲ့ အသက်ကိုပဲ မှတ်ပြီး ရောင်းဖို့ စာရေးတွေကို ပြော”
ရုံးလုလင်လေးကို ၅၀၀ ကျပ်တန် ၁၂ ရွက် ထုတ်ပေးပြီး ပိုငွေ စက္ကူများကို တူရာတူရာ သေသေ သပ်သပ် စီနေ လိုက်သည်။

အိုး ကျွန်တော့်ရှေ့ မှောက်ရှိ မိသားစုလေး၏ မျက်ဝန်း ၃ စုံအကြည့် တွေက ကျွန်တော့် လက်ထဲရှိ ၂၀၀ ကျပ် တန်၊ ၅၀၀ ကျပ်တန် ရောရာ ဆီမှာ။ ကျွန်တော် မျက်တွင်း ဟောက်ပက် လူငယ်လေးဆီ အကြည့်ရွှေ့တော့ အကြည့်ချင်း ဆုံမိတော့သည်။ ကျွန်တော် သူ့အကြည့်ကို ဖတ်လိုက် နိုင်ပါသည်။
“ပိုငွေတွေကို ပေးလိုက်မှာလား ဟင်”ဆိုသည့် အဓိပ္ပာယ်ပဲ ဖြစ်ပါလိမ့်မည်။

၃။
ရထားလက်မှတ် ၃ စောင်နှင့် ငွေ စက္ကူများကို လူငယ်လေး လက်ထဲထည့် တော့ လက်ကလေးများ တုန်ခါနေ သည်ကို သတိထား မိသည်။ လက်အုပ် ချီဖို့ ကြိုးစားတာကို သတိပြု မိသော ကြောင့် လူရွယ်လေး ပခုံး ကို အသာညှစ် အားပေး လိုက်သည်။ အသားမရှိ၊ ရိုးကြီး ဂေါင်ဂင် ပါပဲ။
ထိုအခိုက် မှာတော့ ၄၀၀၀ ကြီး တောင် ဟူသော အတွေးဝင် ခဲ့သည့် ကိုယ့်ကိုယ်ကို အရှက်ကြီး ရှက်မိ နေပါ တော့သည်။

ရဲသျှမ်း
(ရွှေအမြုတေ မဂ္ဂဇင်း ဖေဖော်ဝါရီလ ၂၀၁၃)

မြင့်မိုရ် နှင့် ပင်လယ်


အဖေ၊ ပါပါး၊ ပီတာ၊ အာပုကြီး၊ ဖထီး၊ ဖာသာ လို့ ဖခင်တွေကို F/Pအသံတွေနဲ့ လူမျိုး နိုင်ငံ အသီးသီးက ခေါ်ကြပါတယ်။ သည်လိုပါပဲ မိခင် တွေကိုလည်းပဲ မေမေ၊ မာတာ၊ မို့အို၊ မာမီ၊ မာမား၊ မယ်မယ်၊ မာသာတဲ့လေ မ အသံတွေဖြစ်တာကြောင့် မြင့်မိုရ် ဆိုတာပေါ်လာသလား လို့ ထင်မြင်မိပါတယ်။ ဒါဆိုရင်
ဖ သို့မဟုတ် ပအက္ခရာနဲ့ မြင့်မားတဲ့၊ ကျယ်ပြန့်တဲ့ အရာတစ်ခုရှိရအုံးမှာပေါ့။ ပင်လယ် လို့ ကျွန်တော်ပြောရင် မှားများနေမလား။
သဘောမတူဖြစ်လေမလား။ ကျွန်တော်ကတော့ ဖခင်တွေရဲ့ သားသမီးတွေ အပေါ်ထားတဲ့
မေတ္တာကို ပင်လယ်နဲ့ နှိုင်းချင်တာပဲ ....။
''မြစ်နှစ်မွှာ'' ဆိုတဲ့ ''မိဘမေတ ဝတ္တုများ'' နဲ့ ''အဖေ''ဆိုတဲ့အတွေးအမြင်စာစု စာအုပ်(၂)အုပ် မကြာသေးခင်ကပဲ မရှေးမနှောင်း ထွက်လာကြတယ်။ မြစ်နှစ်မွှာ မှာ ဆရာ၊ ဆရာမ(၃၂)ဦး ပါဝင်ရေးသားကြပြီး ဆရာတွေက ဖခင်တွေအကြောင်း၊ ဆရာမတွေက မိခင်တွေအကြောင်း
ရေးဖွဲ့ထားတာပဲဖြစ်ပါတယ်။
တချို့က မဂ္ဂဇင်းမှာ ပုံနှိပ်ဖော်ပြပြီးသား၊ တချို့က အသစ်တွေပါ။ ဝတ္တုတို ရေးဖွဲ့ကောင်းတဲ့ ဆရာ၊ ဆရာမတွေရဲ့လက်ရာတွေဖြစ်တာမို့ ဖတ်ရမယ့် စာအုပ်ပဲ ဖြစ်ပါတယ်။ ဆရာ (၁၆)၊ ဆရာမ (၁၆)ဖတ်ပြီး တဲ့ထဲက ဆရာမလဲ့ဝင်းကြည်(ချို) ရဲ့ ဂုဏ်ဖွဲ့သီမမီ ကမ္ပည်းတင်ရင်ခွင်ကို ပြောချင်တယ်။ မိဘဘွဲ့ ဝတ္တုများလို့ ဆိုထားပေမယ့် ''ဂုဏ်ဖွဲ့သီမမီ..''ကို ရသစာတမ်းလေးလို့ ခံစားမိပါတယ်။ ဧပြီလထဲက ရက်တစ်ရက်မှာ မိသားစုနဲ့ ခွဲခွာသွားရတဲ့ မိခင်ကို လွမ်းဆွတ်တသမှုတွေနဲ့ ဖွဲ့သီထားပါတယ်။
''အမေကြီးရေ'' ''အဖေကြီးရေ'' လို့ တက်စုံဖွင့် လက်ကုန်စင်ကာ အတွဲညီခဲ့သည့် ဘဝဖော်နှစ်ဦး ဖေးမခေါ်ထူး၍ မဝသေးခင် ...''မေမေရေ'' ''သားရေ'' ''သမီးရေ'' လို့ ခေါ်ထူးချိန် မပြည့်စုံသေးခင် ဖေဖေ့ခေါင်းက ဆံပင်ဖြူတွေကို မျက်မှန်ကလေးတပ်ပြီး သာသာဖွဖွလေး မေမေနုတ်ပေးချင်ပါသေးလျက်၊ ဖေဖေကလည်း မေမေ့ကေသာမှာ ခရေမွှေးမွှေးတွေ ပန်ပေးချင်သေးသည်ကို သိလျက် မြေးဦးဆံချ မြေးမနားသမှာ ရေစက်ခွက်ကြီးကိုင်လို့ ဖေဖေနှင့် သံပြိုင်သာဓုခေါ်ဆိုချင်သေးလျက်၊ သားသမီး မြေးမြစ် တွေကြား ပုဝါစုံချလို့ ဖေဖေ နှင့်အတူ ဆင်နွဲပျော်ချင်သေးလျက်...ဆိုပြီး အချိန်မတိုင်မီ ထွက်ခွာသွားရှာတဲ့
မိခင်ရဲ့ ဆန္ဒကို ထုတ်ပြသွားပါတယ်။
''တေးသီအလှဖွဲ့ မဆုံး၊ ဘွဲ့ ဂုဏ်ထပ်တင် ပေးမဆုံးတွေဖြင့် လောကဇာတ်ခုံ ဝဲဂယက်တွင်းမှာ ကမ္ပည်းတင်ကျန် ချန်ရစ်နေသည့် မိခင်ရင်ငွေ့က အလုံးစုံသော သားသမီးများအတွက် မှေးစက်ပျော် ခိုလှုံ ဦးညွတ်ရသည့် ရင်ခွင်တစ်ခုပါ မေမေ'' ဆိုပြီး ရင်ဘတ်ထဲက၊ နှလုံးသားထဲက အသံကို ကြားလိုက်ရပါတယ်။
သည်စာအုပ်မှာပဲ ''ရာဇဝင်ကို ဖြတ်သန်းရတဲ့ည'' ဆိုတဲ့ ဆရာပိုင်စိုးဝေရဲ့ ဝတ္တုကတော့ ယခင်ဖတ်ရတုန်းကလည်း ကြေကွဲစွာ ခံစားရဆဲ၊ အခု ဖတ်ရပြန်တော့လည်း ခံစားမှုတွေ လျော့မသွားစေလောက်အောင် ရသ အပြည့်ပေးနိုင်ဆဲပါပဲ။
လွတ်လပ်ရေးရပြီးစ အညာကျေးလက်မှာ ရောင်စုံ သူပုန်တွေရဲ့ လက်ချက်နဲ့ သေဆုံးခဲ့ရတဲ့ ဖခင်အကြောင်းပါ။ သူပုန်တွေက အဖေ့ကို လှည်းမောင်းခိုင်း၊ အမေက လှည်းပေါ် အတင်းပြေးတက်၊ လှည်းပေါ်က လူနှစ်ဦးက ပြန်တွန်းလွှတ် နောက်တော့ အဖေ့လှည်း အသော့နှင့်သွား... နာရီဝက်လောက်
အကြာမှာတော့...။ဆရာပိုင်စိုးဝေက ကဗျာမှော်အောင်သူ ဖြစ်လေတော့ သူ့ဝတ္တုကို ကဗျာနဲ့ လှလှပပ အနားကွပ်ပေးသွားပါတယ်။
လွတ်လပ်ရေးရပြီးစ
သူခိုး ဓားပြတွေ တန်ခိုးပြလို့ ကောင်းဆဲ
ခေတ်ကြီးထဲ လူဖြစ်ခဲ့ရတဲ့ ကျွန်တော်...
စစ်စနက်မီး အကြွင်းအကျန်တွေနဲ့
ခေတ်အပျက်ကြီးကို တွန်းလှန်ရင်း
အမေရယ် တခြားအမေတွေရယ်
အမေတွေ အားလုံး
ကလေးတွေကို ပခုံးပေါ်တင်ပြီး
ပြေးကြလွှားကြ ပုန်းအောင်းကြနဲ့
တချို့ သားသေ၊ တချို့ လင်ဆုံး
စစ်ဆိုတာကြီးကို
မုန်းခဲ့တယ် မဟုတ်လား အမေ...
အမေ့ရဲ့ ကျောပေါ်မှာ သေနတ်သံတွေကြား
ပြေးလွှားပုန်းအောင်း ရွာတောင်စောင်းနဲ့ ဆူးချုံထဲ
ညတိုင်းပဲ အိပ်ခဲ့ရတယ်
မဟုတ်လား အမေ...
တစ်ညသား
ပျူစောထီးဆိုလား ရဲဘော်ဖြူဆိုလား
တံခါးဝကို တအားခေါက်
နွားကောက်စမ်း မြန်မြန်လုပ်
အခိုင်အခံ့ လှည်းတစ်စီးဆင်
နွားပြာညို တစ်ရှဥ့်နဲ့ အတူ
''လှည်းမောင်းပို့'' ဆိုပြီး
အဖေ့ကို ခေါ်သွား
ရွာအနောက်ဘက် တောအုပ်ကြားက
သေနတ်သံ တစ်ချက် ကြားလိုက်ရ
ဖေဖေရေ...
ဖေဖေရေ...
ကျွန်တော်တို့ မိသားစု ဘဝ
ရာဇဝင်ကို ဖြတ်သန်းရတဲ့ ညပေါ့။
ဆရာပိုင်စိုးဝေ နှလုံးသွေးနဲ့ ရေးတဲ့ ဝတ္တုပါပဲ။
(၂)
အဖေ ဆိုတဲ့ အတွေးအမြင်စာစုများကို ဆရာအောင်ဇင်မင်းရဲ့ သားနိဒါန်းသစ်စာပေက ကိုအံ့ဘွယ်ဇင် စီစဉ်ထုတ်ဝေတာပဲ ဖြစ်ပါတယ်။ ရဟန်း(၃)ပါးအပါအဝင် (၂၃)ဦး ပါဝင်ရေးသားပါတယ်။ သည်စာအုပ်ကတော့ ''အဖေ'' သီးသန့်ပါ။
နိဒါန်းသစ်စာပေက အမေ တစ်အုပ်ထုတ်ခဲ့ပြီး ယခု ''အဖေ'' ကို ထုတ်ဝေတာပဲ ဖြစ်ပါတယ်။ ကိုယ့်ဖခင်တွေ အကြောင်းကို ဆရာ၊ ဆရာမတွေက အရှိအတိုင်း(အကောင်း၊ အဆိုး) ရေးတာဖြစ်လေတော့ ရသစုံသွားတယ်လို့ခံစားရပါတယ်။ ကိုယ့်ဖခင်မို့ အကောင်းတွေကိုသာ ရေးထားတာ မဟုတ်တာကိုက
သည်စာအုပ်ရဲ့ ထူးခြားမှုပါ။ နောက်ထူးခြားတာက ဆရာမ မသီတာ (စမ်းချောင်း) ရဲ့ အဖေပါပဲ။ ''ဖခင်''ဆိုသည့် ရာထူး နေရာရှိ ဖခင်နှင့် မြန်မာ့လွတ်လပ်ရေး၏ ဖခင် ဗိုလ်ချုပ်အောင်ဆန်း အကြောင်းကို ရက်ရှယ် ရေးပြသွားပါသည်။
ဖခင်တစ်ယောက်က သားသမီးများကို မိသားစု အတွက် မဟုတ်ဘဲ နိုင်ငံ သားတစ်ဦးအနေဖြင့် နိုင်ငံတော်နှင့် ပတ်သက်တဲ့ အိပ်မက်များမက်ဖို့ ခံစားသိအောင်စွမ်းဆောင်၊ လှစ်ဟပြခဲ့တာကို ဆရာမ မသီတာက ''ဘခင် ဟူသည် ရာထူးနှင့် အခန်းကဏ္ဍကို တာဝန်ကျေစွာ သရုပ်ဆောင် ထမ်းရွက်ခဲ့သော၊ မြန်မာနိုင်ငံသား စိတ်ဓာတ်ရင့်သန်နိုင်ရန် အုတ်မြစ်ချပေးခဲ့သော မွေးသဖခင် ကျေးဇူးရှင် အဖေအား လည်ကောင်း လွတ်လပ်သော မြန်မာနိုင်ငံသားဟု ဆိုရဲရန် လွတ်လပ်သော မြန်မာပြည်အား မွေးဖွားပေးခဲ့သည့် ဗိုလ်ချုပ်အောင်ဆန်း အားလည်းကောင်း လှိုက်လှိုက်ခါခါ ကျေးဇူးတင်မိရပါသည်'' လို့ ရေးပြသွားပြီး ''အမေများ၊ ဖခင်များ အားလုံး မိမိတို့၏ အခန်းကဏအား ယခုထက် ပိုမိုတွင်ကျယ်စွာ
သရုပ်ဆောင်နိုင်ကြပါစေ'' ဆိုတာကတော့ ကျွန်တော်တို့ကိုပါ သတိပေးလိုက်သလို ခံစားရပါတယ်။
၁၉၉၆ ကနေ ၂ဝဝ၄ ခုနှစ်ထိ (၇)နှစ်ကျော် အင်းစိန်၊ သာယာဝတီ၊ သရက်တို့ဆီ ရောက်သွားရတဲ့ ဆရာအောင်ဇင်မင်း အားလွမ်းတတဲ့ ''အဖေ့ အတွက်" စာစုလေးကို ဆရာ့သမီး မိုးဒေဝါက ရေးပါတယ်။
''အချိန်တန်လို့ ငှက်ကလေး သူ့အိမ်သူရောက်သွားပြီ ထုံးစံအတိုင်းပါပဲ လယ်ကွင်းပြင်ကတော့ လေစိမ်းတွေကြားမှာ ကျန်ရစ်ခဲ့တယ်''ဆိုတဲ့ အဖေပြန်လာမဲ့ ရက်တွေကို မျှော်တတဲ့ သားသမီးတစ်ယောက်ရဲ့ ခံစားမှုပါ။ သမီးက အဖေ့ကို၊ အမေက သားကို၊ သမီးကို၊ ဇနီးက ခင်ပွန်းကို၊ ခင်ပွန်းက ဇနီးကို အဲသလို မျှော်တခဲ့ရတဲ့ ကာလတစ်ခုက ရှိခဲ့ဖူးတာလေ။ ဆရာ မျိုးမြင့်ညိမ်း၊ ဆရာ ညီပုလေး၊ ဆရာမောင်ဝံသ၊ ဆရာမ မသီတာ၊ ဆရာတွေ...ဆရာမတွေ၊ မျိုးဆက်သစ်ကျောင်းသားတွေ... အများကြီးပါပဲ။ မိုးဒေဝါရဲ့ စာစုလေးက အားလုံးကို ကိုယ်စားပြုတယ်လို့ ခံစားလိုက်ရပါတယ်။
''မြစ်နှစ်မွှာ'' ''အဖေ'' စာအုပ်နှစ်အုပ်လုံးမှာ ရင်ထဲရောက်တဲ့ စာတွေချည့်ပါပဲ။ အမိ၊ အဖကို ချစ်မြတ်နိုးသော သားသမီးများနှင့် သားသမီးများကို ချစ်ကြင်နာသော မိဘများ ခံစားဖတ်ကြည့်ဖို့ လက်ဆင့်ကမ်း
မျှဝေလိုက်ပါတယ်။ မိခင်တွေက မြင့်မိုရ် ဆိုရင် ဖခင်တွေက ပင်လယ်ပဲပေါ့။

ရဲသျှမ်း

မိုးအောက်မြေ တန်ခိုးတောက်ပေ ခေတ်ကောင်း ရောက်ပြီလေ



၁၉၄၂
စစ်ဖြစ်တော့မယ်။ ဂျပန် ၀င်တော့မယ်လေ။ ဒီတော့ အဖေ အမျိုးတွေ ရှိတဲ့ ဝေါကို မွေးရပ်မြေ နောင်ပတ္တရာ ကနေ ပြောင်းခဲ့ ကြရတယ်။ နောင်ပတ္တရာက ဝေါမြို့နယ်ထဲမှာပဲ။ ပဲခူးနဲ့ သိပ်မဝေးဘူး။ ပဲခူး-မော်လမြိုင် ရထားလမ်းမှာ ရှိတယ်။ ပဲခူးက အထွက် ကလိဘူတာ ပြီးရင် နောင်ပတ္တရာပဲ။
အဖေ၊ အမေ၊ အစ်ကိုကြီး ကိုအောင်ရွှေ၊ အစ်ကိုလေး ကိုအောင်ဖေ၊ အဘွားနဲ့ ညီမလေး မကျင်ပု အားလုံး ၆ ယောက်။ အင်း...အစ်ကိုကြီး ကိုအောင်ရွှေက ၈ တန်း၊ ကိုအောင်ဖေက ၆ တန်း၊ အဘွားက ၄ တန်း၊ ညီမလေး က ၂ တန်း။ အဘွားက ၁၂ နှစ် သမီးလောက်တော့ ရှိပြီ။ ၁၂ နှစ်သမီး ၄ တန်းပဲ ရှိသေးတယ်ဆိုပြီး မင်း မရယ် နဲ့လေ။ အဲသည် ခေတ်တွေတုန်းက မိန်းကလေး ကျောင်းနေရတာပဲ ဟုတ်လှပြီ။ ဒါတောင် မြစ်ကျိုးက ဆရာကြီး ဦးဘသောင်းတို့မှာ သားသမီး မရှိလို့ အဘွားကို ချစ်လို့ ခေါ်ထားရာက ကျောင်းနေ ဖြစ်တာ။ အဖေတို့၊ အမေတို့နဲ့ နေလို့ကတော့ အဖေ့ရဲ့ချောက် ချီးချောက်ချက် ခေါက်ဆွဲ လက်ဖက်ရည်ဆိုင် ၀င်ကူနေရမှာလေ။

ဆရာကြီး ဦးဘသောင်းဆီမှာ နေတော့ ဆရာ ကြီးက စာဖတ်ဖို့ အမြဲတိုက်တွန်းတယ်။ ဆရာကြီးဆီမှာ နဂါးနီ စာအုပ်သင်းက ထုတ်တဲ့ စာအုပ်တွေ အများကြီး ရှိတယ်။ ဆရာကြီးက သူ ဖတ် ထားတာတွေ ပြောပြတဲ့ အပြင် ကိုယ်တိုင် ဖတ်ခိုင်းတာဆိုတော့ စာအုပ်တွေနဲ့ ရင်းနှီးသွားပြီ။ ကျွန်ဘ၀က လွတ် မြောက်ဖို့ရာမှာ နဂါးနီစာအုပ် အသင်းကြီးရဲ့ကျေးဇူးသိပ်များတယ်။ သခင်လေးမောင် ရေးတဲ့ အလုပ်သမားနဲ့ လယ် သမားများသာ တိုင်းပြည်၏ သခင်တို့၊ မောင်စိုးရဲ့ ရေနံမြေအရေးတော်ပုံ၊ ဦးသန့်(ပန်းတနော်)ရေးတဲ့ လက်ဝဲ ဂိုဏ်းများ၏ ၀ါဒ၊ မောင်နုရဲ့ ကျွန်တော်ဘုံသမား တို့ကို ဖတ်ခဲ့ဖူးတာပေါ့။ ဟုတ် တယ် ဟုတ်တယ်။ ဦးသန့် (ပန်းတနော်)ဆိုတာ ကုလသမဂ္ဂအတွင်းရေးမှူးချုပ် လုပ်သွားတဲ့၊ ကမ္ဘာတစ်ဝှမ်းလုံး လေးစားတဲ့ မြန်မာ့ဂုဏ် ဆောင်ပေါ့။ မောင်နုက ၀န်ကြီးချုပ်ဟောင်း ဦးနုလေ။ စာရေးတာ သိပ်ကောင်း တယ်ကွဲ့။

စနေ နဂါးနီဂျာနယ်မှတ်တယ်...၀ါဒဋီကာခေါင်းစဉ် အောက်မှာ ရေးတာလေ။ ကြိုက်လွန်းလို့ စွဲနေတာ အခုချိန်ထိပဲ။ သားသမီးတွေကိုလည်း သတိရတိုင်း ပြော ပြဖူးတယ်။ မင်းလည်း မှတ်သွားဦး။ လူတန်းစေ့ ဆိုရှယ်လစ်ဝါဒ ခေါင်းစဉ်မှာ ဘာရေးလဲဆိုတော့ “သင့်မှာ နွားနှစ်ကောင်ရှိလျှင် တစ်ကောင် အား သင့်အိမ်နီးချင်း မိတ်ဆွေ သို့ပေးပါ” တဲ့။ လောကနိဗ္ဗာန် ကွန်မြူနစ်ဝါဒကျတော့ “သင့်မှာ နွားနှစ်ကောင်ရှိလျှင် နှစ် ကောင်စလုံး အစိုးရသို့ ပေး အပ်လိုက်ပါ။ အစိုးရက သင့် ကို နို့အနည်းငယ်ပေးလိမ့်မည်”တဲ့။ နာဇီဟစ်တလာ ၀ါဒကတော့ အတော်ဆိုးသကွဲ့။ “သင့်မှာ နွားနှစ်ကောင်ရှိလျှင် အစိုးရက သင့်ကို ပစ် သတ်ပြီး သင့်နွားများကို သိမ်းသွားမည်”တဲ့လေ။

နဂါးနီကြောင့် ဇာတိသွေး၊ ဇာတိမာန်၊ ရဲစိတ်၊ ရဲမာန်၊ နိုင်ငံရေး အသိတွေ တစ်မျိုးသားလုံး ရခဲ့တယ်။  တော်လှန်ရေးတိုင်းမှာ စာပေ ကျေးဇူးကြီးတယ်နော်။ အဲဒါ မြဲမြဲမှတ်။ ဝေါရောက်ပြီး မကြာပါ ဘူးကွယ်။ စစ်က ဖြစ်ပြီ။ ညနေစောင်းတာနဲ့ ကျွဲနှစ်ကောင်လို့ ခေါ်တဲ့ တိုက်လေ ယာဉ်မည်းမည်းကြီးတွေက  စက်သေနတ်နဲ့ တရစပ်ပစ်၊ ဗုံးတွေကြဲနဲ့ ဗုံးခိုကျင်းတွေထဲ ၀င်ခို ရတော့တာပေါ့။ အမေက အဘွားတို့မောင်နှမတွေကို အိတ်ရှုံ့လေးတွေ ချုပ်ပေး ပြီး ထမင်းခြောက်တွေထည့်၊ လည်ပင်းဆွဲ ပေးထားတယ်။  ရှုံ့အိတ်လေးကို ကိုယ်နဲ့ မကွာ ထားရတာလေ။ ဘယ်မှာ ထမင်းချက်စားနိုင်မှာတုံး။ ဗုံးခိုကျင်းထဲ နေရတာဆိုတော့ ထမင်းခြောက်ဝါး၊ ရေနဲ့ မျှောချ၊ သည်လိုပဲ အသက် ဆက်ခဲ့ရတာလေ။ တစ်ရက် ဗုံးခို ကျင်းထဲခိုတုန်း မီးကျည် တွေ ဗုံးတွေကြဲတော့ အဖေ့ အစ်မ အဘွားတို့ အဒေါ်အိမ်ကြီးလည်း မီးလောင်ပါရော။ ဗုံးကြဲလေယာဉ်တွေ မရှိတော့ တဲ့အချိန်၊ ဗုံးခိုကျင်းထဲက ထွက်ပြီး ကိုယ့်အိမ်ပေါ် ပြန်တက်ခွင့် မရှိတော့ဘူးပေါ့။ မြို့ပြင်မှာ တဲထိုးပြီးနေခဲ့ရ တယ်။

ဆေးဝါး မရှိတဲ့ ကာလကြီး ဆိုတော့ အဖေလည်း ဒူလာရောဂါ မကုလိုက်ရဘဲ ဆုံးရော။ ဆေးမြီးတိုတွေပေါ့ကွယ်။ ဟိုအရွက် ပြုတ်သောက်၊ ဒီအရွက် ကျိုသောက်၊ ငါးရှဥ့်ဟင်းချက် စားလောက်နဲ့ ပြီးရတာကိုး။ အဖေ ဆုံးတော့ အစ်ကို နှစ်ယောက်လည်း စက်ဘီးကယ် ရီသမားတွေ ဖြစ်ကုန်တယ်။ အခုခေတ် ဆိုင်ကယ်ကယ်ရီ သမားတွေလိုပေါ့။ အစ်ကို ကြီးနဲ့ အစ်ကိုလေး တော် တော်ပင်ပန်းရှာပါတယ်။ အဘွားနဲ့ ညီမလေး မကျင်ပုလည်း ဆေးလိပ်လိပ်တတ် နေပြီဆိုတော့ အနည်းအကျဉ်း ၀င်ငွေရနေပြီ။ အစ်ကိုကြီးကို အောင်ရွှေ အာရှလူငယ် အဖွဲ့ထဲဝင်တော့ သူ့သူငယ်ချင်း သုံးယောက်ပါ ပါလာပြီး အဘွားတို့အိမ်မှာ နေကြတယ်။ အစ်ကိုကြီးတို့ သူငယ်ချင်းတွေ ပြောတဲ့ နိုင်ငံရေး သဘော တရားတွေ နားရည်ဝ ကြားရ ဖန်များတော့ အဘွားလည်း စိတ်ဓာတ်တက်ကြွပြီး  ရဲမေ ဖြစ်သွားတော့တာပဲ။ ကွန်မြူ နစ်ပါတီဝင် ရဲမေပေါ့။

ကြားဖူးတယ် မဟုတ်လား။ ဆန်လုပွဲတို့၊ အာဏာပိုင်ရုံးတွေ ၀ိုင်းတဲ့တိုက်ပွဲတို့၊ အခွန်မပေးရေး တိုက်ပွဲတို့၊ မြေပိုင်ရှင်တွေရဲ့ မြေတွေပေါ်  တဲအိမ်တွေ ၀င်ဆောက်တဲ့ တိုက်ပွဲတို့လေ။ မှတ်မိသေး တယ်။ ဝေါက မြဂိုဏ်းဆန်စက်မှာ ဆန်ဝင်လုတော့ ရဲ တွေက တုတ်တွေနဲ့ ရိုက်တာ။ကိုယ်ဝန်ဆောင်အမျိုးသမီးတွေ ကိုယ်ဝန်ပျက်ကျ၊ တချို့လည်း ပဲခူးအချုပ်ခန်းထဲ ရောက်။ တကယ့်ပွဲကြီးပွဲ ကောင်းပဲ။ ဘယ်ပြောကောင်း မလဲ ထိပ်ဆုံးကကို ပါတာ။ ပဲခူးဖဆပလ ဥက္ကဋ္ဌ ဘူးသီး အဲ အဲ သူ့နာမည်ရင်း ရှိတယ်။ ဘာတဲ့ သြော် မှတ်မိပြီ ဦးသာဒင်တဲ့။ အတွင်းရေးမှူး က ကိုစိန်မောင်။ အဘွားတို့နဲ့ ညှိနှိုင်းကြတာ အဆင်မပြေ ဘူး။  နောက်တော့ ဖဆပလ ဥက္ကဋ္ဌကြီးက ခေါ်တွေ့တော့ တာပဲ။ ဟုတ်တယ်လေ ဖဆပလ ဥက္ကဋ္ဌက ဗိုလ်ချုပ်ပေါ့ ကွဲ့။ မင်းကလည်း ဗိုလ်ချုပ် ပါဆိုမှ ဘယ်သူဖြစ်မလဲ။ တို့ တစ်မျိုးသားလုံးရဲ့ ဗိုလ်ချုပ်၊ ဗိုလ်ချုပ်အောင်ဆန်းက လွဲရင် ဘယ်သူဖြစ်လိမ့်မတုံး။ ဒါနဲ့ ဦးကြီးမြင့် ဦးဆောင်ပြီး ဗိုလ် ချုပ်ဆီ သွားကြတယ်။ ဟုတ် တယ် အခုပြတိုက်လုပ်ထားတဲ့ နတ်မောက် လမ်းသွယ်ထဲက အိမ်ပေါ့။

အဘွားတို့ အမျိုးသမီး အယောက် ၂၀ က ဘဲဥပုံစား ပွဲကြီးရဲ့တစ်ဖက်တစ်ချက်မှာ   ၁၀ ယောက်စီခွဲ ထိုင်ကြတယ်။ ဗိုလ်ချုပ်က စားပွဲထိပ်မှာ ထိုင်တယ်။ အချိန်က ညနေ ၄ နာရီခွဲလောက်ရှိမယ်။ ဗိုလ်ချုပ်က မီးခိုးရောင် ဖလန်နယ် အင်္ကျီ၊ လုံချည် တစ်ပတ်နွမ်းလေးနဲ့ လည် ပင်းမှာ မာဖလာပတ်ထားတယ်။ အင်္ကျီကိုတော့ လက် ခေါက်ထားတယ်။ စားပွဲကို လက်သီးနဲ့ ထုထုပြီးတော့ ဒေါပွနေတော့တာ။ ဝေါမှာ ဖြစ်ခဲ့တဲ့ အကြမ်းမှုကိစ္စကို ဗိုလ်ချုပ် သိပ်စိတ်ဆိုးကြတယ်။ အကြမ်းဖက်တာ၊ လုတာ၊ ခိုးဝှက်တာ၊ ဗိုလ်ကျစိုးမိုးတာကို တို့ဗိုလ်ချုပ် အရမ်း မုန်းတယ်။ အဘွားတို့က ငယ် ရွယ်သူဆိုတော့ ဝေဖန်ပိုင်းခြားမှုမရှိဘူး။ တက်ကြွပြီး ရှေ့ကလုပ်သမျှ လိုက်လုပ်တော့တာ။ တကယ့်ကို မကြောက်မရွံ့။ မှန်၏ မှား ၏၊ ဖြစ်သင့်မဖြစ်သင့် မစဉ်း  စား မဆင်ခြင်ခဲ့ပါဘူးကွယ်။

“အချောင်သမားတွေနဲ့  ကွဲအက်ရေး၊ ခွဲထွက်ရေးဟာ လီနင်ရဲ့လမ်းစဉ်ဖြစ်တယ်”လို့ သခင်စိုးက ကြွေးကြော်ခဲ့တယ် လေ။ သခင်စိုးက အလံနီ၊ အဘွားတို့က ဗမာပြည်ကွန် မြူနစ်။ သခင်သန်းထွန်းပါတီ ပေါ့။ ၁၉၄၆ ခုနှစ်၊ ဖေဖော် ၀ါရီမှာ ကွန်မြူနစ်နှစ်ခြမ်းကွဲ တယ်။

၁၉၄၈
၁၉၄၇၊ ဇူလိုင် ၁၉ မိုး ဖွဲဖွဲတွေကြားမှာ တစ်ပြည်လုံး သည်းအူပြတ်မတတ် ကြေ ကွဲသွားကြပြီ။ ဗိုလ်ချုပ်အပါ အ၀င် ခေါင်းဆောင်ကြီးတွေ နယ်ချဲ့လက်ပါးစေတွေရဲ့စက် သေနတ်အောက်မှာ အသက်  စတေးခဲ့ရပြီ။ ၁၉၄၈ ဇန်န၀ါ ရီမှာ အင်္ဂလိပ်က လွတ်လပ် ရေးပေးတယ်။ ခေါင်းဆောင် ပိုင်းကတော့ အကွဲကွဲ အပြဲပြဲ  ဖြစ်၊ နိုင်ငံရေး မတည်ငြိမ်မှုတွေနဲ့ ရှုပ်ထွေးနေတာ။ လွတ် လပ်ရေးရပြီး သိပ်မကြာဘူး။  နှစ်လ၊ သုံးလလောက်ပဲ ကြာမယ်။ ဗမာပြည် ကွန်မြူနစ် ပါတီက ပျဉ်းမနား ကွန်ဂရက် လုပ်တယ်။ သူ့အရင်က ဖြူး ကွန်ဂရက်။ ပျဉ်းမနား ညီလာခံက သိပ်ကြီးကျယ်တယ်။ ဝေါက ၂၀၀ ကျော် တက် ကြတာ။ ခြေလျင်သွားခဲ့တာ လေ။ လမ်းမှာ သုံး၊ လေးည အိပ်ရတယ်။

ဘုန်းကြီး ကျောင်းတွေမှာ တည်းကြ၊ ခိုကြတာပေါ့။ လမ်းခရီးရွာ တွေက ထမင်းထုပ်တွေ ဝေ တယ်။ တချို့ရွာတွေကျတော့ ကြံရည်၊ မန်ကျည်းဖျော်ရည် တိုက်၊ မုန့်၊ ကြံသကာတွေ ကျွေးနဲ့ အားပေးခဲ့ကြတယ်။ အဘွားတို့ မောင်နှမတွေကတော့ အတက်ကြွဆုံးလို့ ဆိုရလောက်တယ်။ အမေနဲ့ ညီမလေးပဲ ကျန်တာ။ အစ်ကိုနှစ်ယောက် က ပါတီအလံကိုင်၊ အဘွား တို့က လက်သီးလက်မောင်း တန်း ကြွေးကြော်ချီတက် တာပဲ။ နေမကောင်းတဲ့သူ တွေကိုကုန်ကားကြီးတွေနဲ့တင် ခေါ်သွားကြတာ။ အဘွား ကတော့ မာသလား မမေးနဲ့။ ပျဉ်းမနား ဘောလုံးကွင်းထဲ အရောက် ခြေနာတာလည်း မရှိ။ ခေါင်းကိုက်တာလည်း မရှိ။ ဒေါင်ဒေါင်မြည်ပဲ။

ပျဉ်းမနား ကွန်ဂရက်မှာ  သခင်သန်းထွန်း တရားဟောတယ်။ ညပိုင်းမှာ ဗီယက်နမ် စစ် ရုပ်ရှင်ပြတယ်။ တကယ့် အဖြစ်အပျက်တွေကို ရိုက်ထားတာ။ ဇာတ်လမ်းရုပ်ရှင် မဟုတ်ဘူး။ စစ်အနိဋ္ဌာရုံပေါ့ ကွယ်။

ကွန်ဂရက်ပြီးတော့ ရထားစီးပြီး ပြန်လာကြတာ။ မီးသွေးခေါင်း စက်ခေါင်းနဲ့ ဆွဲတဲ့ကျောက်ရထားလေ။ ကျောက်တင်တဲ့ တွဲပက်လက် ပေါ်မှာ တပျော်တပါးကြီး။ ပါတီဝါဒ သီချင်းတွေ သံ ပြိုင်သီဆိုကြတာ။ မှတ်မိတာ ပေါ့။ ဆိုပြရဦးမယ်။ ၈၀ ကျော် အဘွားကြီးဆိုတော့ အသံတွေက တုန်နေမှာကွဲ့။ စာသားတွေက မမေ့ဘူး။ နှ လုံးသားထဲ စွဲနစ်နေတာဆို တော့ မှတ်မိနေတယ်။

ဖိနှိပ် ချုပ်ချယ်မှုတွေ များပြားလို့ရယ် သူပုန်ထတယ်။ ပျဉ်းမနား နတ်မောက် အရေးကိုကွယ် တစ်တိုင်းပြည်လုံးက ထောက်ခံစေဖွယ်။ သူပုန် ဘာကြောင့် ထရတယ်။ ဖိနှိပ်ခဲ့တယ်။ လယ်မဲ့ယာမဲ့၊ ပစ္စည်းမဲ့ကို ချုပ်ချယ်လို့သာ သူပုန်ထတယ်။ ရာဇ၀င်မျှော်တွေး သွေးနဲ့ ရေးရမယ်။ လယ်သမား သူပုန် အောင်မြင်ဖို့မနှေး အာဏာတွေ သိမ်းရမယ် ကိုယ့်ကြမ္မာကိုယ်ဖန်ဖို့အရေး တကယ်ပင် သူပုန်ထလို့ သွေးမြေကျအောင် တိုက်ရပြန်တယ်။ ချီးကျူးတယ်၊ ဦးညွတ်တယ်။ လယ်ဝေးသူပုန်ကြီး ကြီးမားလာစေဖွယ်။ နယ်ချဲ့သမားတွေ ညှဉ်းပန်းမှုကြောင့် လူမွေးလူတောင် မပြောင်တယ် ဆင်းရဲတွင်း နက်ပါလို့ သူပုန်မီးကို မွှေးရတယ် တိုက်မယ် တိုက်မယ် ခိုက်မယ် ခိုက်မယ် နယ်ချဲ့သမားကို ပြုတ်အောင် ဒို့တိုက်မယ်။ လယ်သမားသူပုန် အောင်မြင်ဖို့ မနှေး......................... ကြီးမားလာစေဖွယ်။

မတ်လ ၁၈ ရက်နေ့ ညီလာခံပြီးတယ်။ နောက် ၁၀ ရက်ကြာ မတ် ၂၈ ဗမာ ပြည်ကွန်မြူနစ်ပါတီ တောခို တော့တာပဲ။

အစ်ကိုကြီး ကိုအောင် ရွှေ၊ အစ်ကိုလေး ကိုအောင်ဖေနဲ့ အဘွားတို့မောင်နှမ သုံး ယောက် တောခိုခဲ့ကြတယ်။ အမေနဲ့ ညီမလေး မကျင်ပုတို့က ဆွေမျိုးတွေကြား ကျန်ရစ်ရှာတယ်။ တောထဲ သုံး၊ လေးလလောက် ကြာတော့ အမေနဲ့ ညီမလေးတို့ အတွက် စိတ်ပူရပြီ။ မငြိမ်မသက်ဖြစ်၊ မငြိမ်းချမ်းတဲ့ ကာလကြီးကိုတော့ ရဲဘော်ဖြူ၊ ပျူစောထီးတွေ သောင်းကျန်း၊ ဓားပြတိုက်၊ လူသတ်၊ ပြန်ပေးဆွဲ တာတွေ ကြားရပြီလေ။ ဒါနဲ့ အမေနဲ့ ညီမလေးကို စိတ်မချ ဖြစ်ပြီး တောထဲ ခေါ်လာ လိုက်တယ်။ မိသားစုတွေ ခွဲ ခွာရတာဟာ ဘယ်လောက် ကြေကွဲစရာ ကောင်းမလဲ။ အခုတော့ တစ်မိသားစုလုံး တောခို ကွန်မြူနစ် ဖြစ်သွားပြီ။

အစ်ကိုကြီး ကိုအောင် ရွှေက ပဲခူးရိုးမဘက်၊ အစ်ကိုလေး ကိုအောင်ဖေက ပြောက် ကျားတပ်ထဲ ပါသွားတယ်။ အဘွားတို့ မိန်းမသားတွေက ညောင်ခါးရှည်မှာ ရှိတဲ့ ပါတီ ရုံးမှာ ထိုင်တယ်။ ညောင်ခါး ရှည်ဆိုတာ ပဲခူးရိုးမထဲမှာပဲလေ။ ပါတီက ပဲခူးရိုးမကို ခြေကုပ်ယူထားတာ။ အဲ သည်မှာ ဇာတ်လမ်းစတာပဲ။ ဟင်း...ဟင်း...မင်း ဒါ မေးချင်နေတာ မဟုတ်လား။ ငါ သိပါတယ်။ သူ့နာမည်က ကိုတင်မောင်တဲ့။ ဌာနချုပ်က နေ ဝေါမြို့နယ်အတွက် ပညာ ကျန်းမာရေးမှူး တာဝန်နဲ့ လွှတ်လိုက်တာ။ ညောင်ခါး ရှည်ရုံးမှာ အခြေပြုတာပေါ့။ အသက် ၃၀ မပြည့်လောက် သေးဘူး။ အဘွားထက် ၁၀ နှစ် ကျော်ကျော်ကြီးမယ်။ ကို တင်မောင်က တောခိုနိုင်ငံရေး သမားပေမဲ့ နုနုဖတ်ဖတ်၊ အနု ပညာသမားကွဲ့။ တောခိုသူ ဌေးသားဆိုတော့ အင်္ကျီရွှေ ကြယ်သီးနဲ့ ပတ်ကားဖောင် တိန်နဲ့။ မြင်ခါစ တော်တော် မျက်စိနောက်စရာ ကောင်း တယ်။ လက်သီး၊ လက် မောင်းတန်း ဒေါင်းတင်၊ မောင်းတင် အဘွားတို့နဲ့ တ ခြားစီပဲ။ သူက အားရင် သူ့ လက်စွဲတော် မယ်ဒလင်လေး တီးနေတော့တာ။ တစ်ခါတစ် ရံ ဘာဂျာလေး မှုတ်တယ်။ သူ့ဂီတအနုပညာကြောင့် ထင်ပါရဲ့။ အားလုံးနဲ့ တည့် တယ်။ ရဲဘော်တော်တော် များများ သူ့ကို ချစ်ကြတယ်။

သူ ခဏခဏ ဆိုတဲ့သီချင်းက-
မြတ်နိုးသူရယ်
ချစ်မိုးစွေခဲ့တယ်
ဘုံကြိုးပြတ်တဲ့
ဒေ၀ီနတ်မျိုးနွယ်
မသိဘူး။ ကိုယ့်ကိုရည် ရွယ်ပြီး ဆိုနေတယ်လို့ မထင် ဘူး။ အဲသည်လောက် အ တာ။ ရှိသေးတယ်။ ဂီတာ စိမ်းမောင် သီချင်း မောင့် သက်လှယ်လေ ဆရာရွှေတိုင်ညွန့် ရေးတဲ့သီချင်း ခုထိ ခေတ်စားပါတယ်ကွယ်။

စိတ်ထဲဝယ်
ကြိတ်ခဲဖြေမရတယ်
လောကီလူ့ဘုံ
ကာမကိလေသာက
နှောင်ကြိုးသွယ်
ချစ်သက်လှယ်
အကြောင်းဆုံပြန်လို့
ပေါင်းဖော်ရန်ဖို့ကွယ်
အချစ်ဦးပေမို့
မေ့ဘူးခင်ရယ်
မေ့ဘူးခင်ရယ်
ဒါလည်း မရိပ်မိသေး ဘူး။ နောက်မှ ရဲမေအချင်း ချင်း သတိပေး၊ လက်တို့ တော့မှ သတိထားမိပြီး ရင် ခုန်တော့တာ။

ခင်စရာ၊ မင်စရာ
ရူပါရုံချောသူသက်လျာ
ကြင်နာစွာ
မောင့်စိတ်ထဲမှာ
ချစ်မိတာ၊ ကြိုက်မိတာ
စေတနာဝေဖြာ၊
ခင်သူဇာ ပျိုမျက်နှာ
အသည်းထဲစွဲတာ
ထာဝစဉ်သာ ခင်တာ၊
ဂေါ်သဇင်ပန်း ရွှင်လန်း
နန်းဥယျာဉ်မှာ
ချူချင်သော်လည်း
စိတ်ထဲ ရဲသွေးမ၀င်ပါ
ခင်နှမသက်လျာ
သနားကြင်နာ
ခွင့်ပေးဖို့ရာ
တောင်းပန်ရတာ
အဲသည်သီချင်းလေး ဆိုတော့
ချစ်မေတ္တာဖြိုးကြွကာ
မိုးကျမယ်လှသူဇာ
ကြည်နူးစွာ
ဖူးစာဖက်နဲ့
အကြောင်းဆက်
နိုင်အောင်သာ
အို ဒေ၀ါသိကြား
မစပါ
ဆိုတဲ့အ ပိုဒ်ကို လိုက်ဆို မိတယ်။ ဆရာ ရွှေပြည်အေး  ရေးပြီး မောင်တင်မောင်ဆို တာ။ ဘရဏီ တဲ့။ သိပ် ကောင်းတဲ့ သီချင်း။ အဆို တော် မောင်တင်မောင်နဲ့ ကို တင်မောင် ရောမသွားနဲ့ဦး။ သတ်သတ်စီ။ ရှုပ်သွားဦး မကွဲ့။

လူပဲလေ။ နှလုံးသား ရှိ တာပေါ့။ တောထဲမှာ နေရတဲ့ ဘ၀တွေ၊ ယုံကြည်ရာ လုပ် နေကြတာဆိုပေမဲ့ ရင်ခုန်စရာ ရှိ ခုန်တာပဲကွဲ့။ နှလုံးသား ကိုတော့ ညာလို့မှ မရတာ။ ၆ လလောက်ကြာတော့ လူ ကြီးတွေ အသိပေးပြီး လက် ထပ်လိုက်ကြတယ်။ လူကြီး တွေက ခေါ်မေးတာပေါ့။ တကယ်ချစ်မြတ်နိုးလို့လား။  စိတ်သဘောချင်း တိုက်ဆိုင် လို့လား။ အနိုင်ကျင့်လို့၊ ကြောက်လို့ လက်ခံရတာ လား။ အကုန်စုံအောင်ကို မေး တော့တာ။ အံမယ် အဲဒီတုန်း က ၃ စုံတွဲကွဲ့။

တောထဲဆိုတော့ မဏ္ဍပ် တွေ ဘာတွေနဲ့ ဘယ်ဟုတ် မလဲ။ ညောင်ခါးရှည် စာ သင်ကျောင်းမှာ ဧည့်ခံပွဲလုပ် တယ်။ ရှပ်အင်္ကျီ၊ ထဘီဖျင် ကြမ်းနဲ့ သနပ်ခါးမှုန်အောင် လိမ်းပြီး တောပန်းလေးပန် ရှိုးထုတ်ရတာပေါ့။ လှလိုက် တာလို့ ပြောတဲ့ ကိုတင်မောင် မျက်ဝန်းမှာ အရည်လဲ့နေ တယ်ကွဲ့။ ချစ်ရည်ရွှန်းတဲ့ မျက်ဝန်းပြာပြာ ဆိုတဲ့ သီ ချင်းကိုသာ သတိရလိုက် တော့။ ကိုတင်မောင်က လည်း ဘောင်းဘီနဲ့ကုတ်နဲ့ဆို တော့ အတော်ခံ့တာ။ ခံ့ချော ဟုတ်တယ်။ ခံ့ချော။ အံမယ် မင်းက ရယ်တယ်။ ဟောဒီ ဓာတ်ပုံကြည့် တွေ့လား၊ ဘယ်လောက်ချောတယ်ဆို တာ။ ကျွေးတာကတော့ ကော်ဖီ၊ ပေါင်မုန့်၊ မုန့်ကျွတ် ဒီလောက်ပါပဲ။ လက်ဖွဲ့ရယ် လို့ ဘယ်ရမလဲ။ အမှတ်တရ ပစ္စည်းလေးတွေဖြစ်တဲ့ စာ အုပ်တို့၊ ပ၀ါပိုင်းတို့၊  ဖောင် တိန်တို့ ဒီလောက်ပါပဲ။

မင်္ဂလာဦးညမှာ ကိုတင် မောင်က မေ့ပါနိုင် သီချင်း လေးကို မယ်ဒလင်လေး တီး ပြီးဆိုပြတာ ရင်ထဲကို စွဲနေ တော့တာ။
ပါရမီကံ ရင့်သန်တယ် နွဲ့မူဟန်
လှဂုဏ်ကြွယ်တဲ့သူရယ် ဘယ်လိုရှေးကြောင်းကံ
ဆုပန်လာတယ်
မြင်သူတိုင်းလို
နှစ်လိုချစ်ကြည်ညိုဖွယ်
မျက်စိထဲက
ထွက်ပါဘူး
လှမှူးကေသွယ်
စွဲမိပါတယ်
တဲ့။ သတိရတယ် ကွယ်။
၁၉၄၉
ချစ်စ၊ ကြင်နာစ၊ အနာဂတ်တူ၊ ရည်မှန်းချက်တူ၊ ဘ၀တူတဲ့ ပျော်စရာဘ၀ လေးဟာ ၆ လလောက်မှာပဲ ကျေပျက်သွားခဲ့တယ်။ ကိုတင်မောင် အဖမ်းခံရတာ လေ။ အစိုးရတပ်တွေ ရွာတွေဝိုင်း၊ စစ်ဆင်ရေးတွေ လုပ်တာမှာ ကိုတင်မောင် သတင်းပေး၊ လက်ထောက်ချတာပါ ဆိုပြီး မတရားစွပ်စွဲ အဖမ်းခံရတာ။ ကိုတင်မောင်က ဝေါသူဌေးဦးစိန်ဝင်းရဲ့ တူတော်တယ်။ ဦးစိန်ဝင်းက နှယ်နှယ်ရရ မဟုတ်ဘူး။ ဆာဘွဲ့ရတာနော်။ ရွာကိုဝိုင်းတဲ့ ဗိုလ်မြင့်ဆွေကလည်း သူ ဆာဂျင်ဘ၀ကတည်းက ကို တင်မောင်နဲ့ ဂျပန် တော်လှန်ရေး အတူလုပ်ရင်း တစ်အိပ်ရာတည်း အတူအိပ်၊ တစ်ယောက် အ၀တ်အစား တစ် ယောက် ယူဝတ်လောက်အောင် ရင်းနှီးခဲ့တာဆိုတော့ သံသယဖြစ်စရာတွေပေါ့။

ပါတီက စပိုင်၊ မုဒိမ်း၊ ကျွဲခိုး၊ နွားခိုးဆိုလို့ကတော့ သေဒဏ်ပဲ။ သေဒဏ်က လည်း အချိန်ဆိုင်းနေတာ မဟုတ်ဘူး။ သစ်ပင်မှာ ကြိုး တုပ်ပြီး ရဲမေတွေက ၀ါးချွန် နဲ့ ထိုး၊ အပြတ်ရှင်းတာ။ ဒါ ကြောင့်လည်း ဝေါတစ်နယ် လုံး ရာဇ၀တ်မှု မရှိသ လောက်ရှားတယ်။ အိမ်တွေ တံခါး၊ ပြတင်းပေါက် ဖွင့် ထားလို့ရတယ်။ အမှုစစ်လို့ သေချာရင် ကိုတင်မောင် လည်း အသတ်ခံရမှာပဲ။ အဘွားက ယုံတယ်။ ကိုတင် မောင်မှာ ဒါမျိုးစိတ်ဓာတ် မရှိဘူး။ စပိုင် မဟုတ်ဘူး။ ပါတီရန်ပုံငွေအတွက် သူ့ဦးလေး ဦးစိန်ဝင်း တိုက်မှာ မြှုပ်ထားတဲ့ စိန်၊ ရွှေတွေ ထားရာ နေရာတောင် ပြပေး ခဲ့တဲ့သူပါကွယ်။ နောင်သည် သတင်းပြန်ပေါက်ကြားသွား မှာ စိုးရိမ်ပြီး နှုတ်ပိတ်ချင်တာများလား လို့တောင် ထင် မိတယ်။ သည်တော့ အဘွား ဆုံးဖြတ်တယ်။ ကိုတင်မောင် ကို ဖမ်းချုပ်ထားတဲ့ ကုလား ချောင်းကို လိုက်မယ်ပေါ့။ ဆုံးဖြတ်တဲ့အတိုင်း စီစဉ် လိုက်တယ်။

ညောင်ခါးရှည်မှာရှိတဲ့ ဦးလေး ဘိုးခွန်ထောကို လှည်းဆင်ခိုင်းပြီး သွားကြ တာ။ အဲ ရှက်စရာ...ကွယ်၊ ရှက်စရာမဟုတ်ပါဘူးလေ။ ဒါ သဘာဝတရားကြီးပဲဟာ။ အဘွား ကိုယ်ဝန်ရှိနေပြီကွဲ့။ မြန်လှချည့်လားလို့ မင်းက မေးချင်ပုံ ဟုတ်တယ်မဟုတ် လား။ သည်ကာလတွေ ခု ခေတ်တွေလို အကာအကွယ် တွေ၊ ဆေးတွေ ရှိတာမှ မဟုတ်တာ။ ရှိလည်း သုံး လေ့သုံးထ မရှိပေါင်။ မြို့ပေါ် တောင် ဒါမျိုး မရှိသလောက် သေးဘူး ထင်တယ်။ အဲ သည် ကိုယ်ဝန်က ပြဿနာ တက်တော့တာပဲ။ နတ်ရေ ကန်ဆိုတဲ့ ရွာရောက်တော့ မိုး ချုပ်နေပြီ။ လယ်ကွင်းစပ် အိမ်တစ်အိမ်ထဲမှာ တစ်ည၀င် တည်းတော့ ကိုယ်ဝန်ဆောင် မို့ အိမ်ထဲ အ၀င်မခံဘူး။ ဘိုး ခွန်ထောကိုပဲ အ၀င်ခံတယ်။ ဘာအယူတွေလည်း မသိပါ ဘူးကွယ်။ မိုးက စုံးစုံး ချုပ်ပြီဆိုတော့ ကောက်ရိုးပုံ ဘေး နွားစားခွက်နားမှာ တစ် ညလုံး နေခဲ့ရတယ်။ ဖြုတ် ကိုက်၊ ခြင်ကိုက်၊ ကိုတင် မောင်အတွက် စိတ်ပူ၊ ဘယ် လိုမှ အိပ်မပျော်တော့ စိတ် စောပြီး အရုဏ်မမြင်ရသေး ဘူး။ ဘိုးခွန်ထောကို အတင်း အော်နှိုးပြီး လှည်းက ထွက် ခဲ့တာ။ မှောင်နဲ့မည်းမည်း လမ်းပျောက်ပါလေရော။ နွားတွေကလည်း လန့်ပြီး ဟိုဆွဲ၊ ဒီဆွဲနဲ့ မနိုင်တော့ဘူး။ မင်း ယုံချင်မှယုံ မှင်စာလို့ ထင်တာပဲ။ နွားပေါက်စလေး လောက် ရှိတယ်။ ဒီကောင် လိုက်နှောင့်နေတာ။ စုန်းမီး တွေလည်း တစ်လုံးပြီးတစ်လုံး တက်လာလိုက်တာ လေး၊ ငါးလုံးတော့ ရှိမယ်။ နောက် တော့ ဘိုးခွန်ထောလည်း လှည်းပေါ်က ဆင်းပြီး ပတ် ပတ်လည်ကို သေးလှည့်ပန်း တော့မှ နွားတွေလည်း ငြိမ် ကုန်တော့တာ။

အရုဏ်လေး နည်းနည်း တက်လာတော့မှ မီးရောင် ပျပျနဲ့ တဲကလေးမြင်ပြီး “ကု လားချောင်းကို သွားချင်လို့ ပါ။ ဘယ်လိုသွားရပါသလဲ” အော်မေးတော့ ဟိုကဖြေတာ နဲ့ ကိုယ်လာတဲ့ လမ်းက တလွဲ။ ဒါနဲ့ အရှေ့ဘက် လှည်းပြန်လှည့်၊ ယာကွက် ၆ ကွက်လောက် ကျော်တော့ မှ လှည်းလမ်းကလေး တွေ့တာ။ လှည်းလမ်းအတိုင်း မောင်းသွားပြီး မိုးလည်း စင် စင်လင်းရော ခလပ်စုဆိုတဲ့ ရွာရောက်တော့တယ်။

ပြောရဦးမယ်။ ဟိုဘက် ဘိုယားကြီးဘက် ကရင်တွေ တိုက်ပွဲဖြစ်တော့ တောထဲက ကျားသားအမိ လန့်ဖျပ်ပြီး ခလပ်စုဘက် စပါးခင်းထဲ လာပုန်းနေတယ် ထင်ပါရဲ့။ စပါးရိတ်လာတဲ့ သားအဖ သုံးယောက်နဲ့တွေ့ပြီး ကျားမ ကြီးနဲ့ သားအဖတွေ လုံးကြ ရော။ ဖအေနဲ့ သားအကြီး ကျားမကြီးနဲ့ လုံးထွေးနေ တုန်း သားအငယ်က ရွာကို ပြန်ပြေးပြီး ကွန်မြူနစ်ရဲဘော် တွေ ခေါ်လာတော့ ရဲဘော် ၁၀ ယောက်လောက် ပါလာ တယ်။ အံမယ် ကျားမကြီး က သားအဖနှစ်ယောက်လုံး ကို ကိုက်သတ်ပြီးပေမဲ့ မပြေး ဘူးတဲ့။ ရဲဘော်တွေလည်း သေနတ်တွေနဲ့ ၀ိုင်းပစ်ကြတာ ၇ တောင်ကျော် ကျားမကြီး လည်း သေတာပါပဲ။ ကျား ကလေးကိုတော့ မတွေ့ဘူး ဆိုတယ်။ ပြေးရောပေါ့။ အဲ ကိုတင်မောင်ကို ဖမ်းထားရာ ကုလားချောင်း သွားတဲ့ အကြောင်းကနေ စကားတွေ လည်း ဟိုရောက် ဒီရောက် ဖြစ်ကုန်ပြီ။ အသက် ၈၀ ကျော် အဘွားကြီးပဲ အိုပြီ။ သတိတွေ မေ့ကုန်ပြီ။ ကိုယ့် စကားကိုယ် ဘယ်ရောက်လို့ ရောက်မှန်း မသိတော့ပါဘူး။ အမြီးအမောက် မတည့်ချင် ဘူး။ နေဦး ဘယ်ရောက် သွားပြီလဲ၊ အေး နေ့လယ် ၁၁ နာရီလောက်မှာ ကိုတင် မောင်ကို ဖမ်းထားတဲ့ ကုလားချောင်းကို ရောက် ရော။ အမှုစစ်နေဆဲကြီးကို ရောက်တာ။ သတ်ပစ်လိုက် ကြပြီလားလို့ သောကဆင်းရဲ မှုတွေနဲ့လာခဲ့ကြတာ အသက် ရှင်လျက် တွေ့ရတော့ ၀မ်းလည်း သာတယ်။ ၀မ်း လည်း နည်းတယ်။ အသက် မသေသေးလို့ ၀မ်းသာတာ။ စပိုင်ဆိုပြီး စွပ်စွဲတာကို ၀မ်း နည်းတာ။

စပိုင်လို့ စွပ်စွဲသတ်မှတ် လိုက်ရင် ဘယ်သူမှ တတ်နိုင် တာ မဟုတ်ဘူး။ ဘယ်သူ့ ခြေသလုံးမှ ဖက်မနေနဲ့တော့။ ကိုတင်မောင်ကို ယုံတယ်။ သူ့မှာ အဲသည်စိတ်ဓာတ် လုံး လုံးမရှိနိုင်ဘူး။ လူတစ်ဖက် သားကို ကူညီချင်စိတ် အမြဲ ရှိတယ်။ ရန်၊ ငါ စည်းပြတ် တာ မပြတ်တာတော့ အဘွား မသုံးသပ်တတ်ဘူး။ သေချာ တာကတော့ ကိုယ့်တပ် ထိ ခိုက်မဲ့ အလုပ်မျိုး သူ မလုပ် ဘူး။ ယုံကြည်မှုနဲ့ ရောက် လာတဲ့သူပါ။ တရားကို နတ် စောင့်တယ်ကွဲ့။ အမှုက မရေ ရာဘူး။ အထင်နဲ့ ရမ်းသန်း စွပ်စွဲကြတာ။ မှန်မှန်ကန်ကန် စစ်ဆေးတော့လည်း လွတ် မြောက်သွားတာပေါ့။

ညောင်ခါးရှည်က ပြန် လာတော့ လှည်းပေါ်မှာ ကိုတင်မောင်က ဘာဂျာလေး ထုတ်ပြီး သုံးပန်လှ သီချင်း လေးမှုတ်တာ...
မိုးနတ်မယ် သူဇာနွယ် ရူပါလှတာရယ်၊ သူငါ ကျစရာမူရာပြကာ ပြုံးလိုက် ရင်ကွယ်၊ ဖိုးလနှယ် တူပါ တယ်၊ ဖြူကာဝကာရယ်
တဲ့။

သက်သက် အဘွား ကိုယ်ဝန်ဆောင်ထားရတာကို စနေတာ။ ခုထိမမေ့နိုင်သေး ဘူး။
“မကြင်ရေ ဒီဘာဂျာ လေးနဲ့ မယ်ဒလင်လေးက အသက်ကယ်တာဗျ။ ကျုပ် ကို ဖမ်းထားတဲ့ ရဲဘော်တွေ က ကျုပ် မယ်ဒလင်သံကို စွဲနေတာ။ ကျုပ်ကိုလည်း ချစ်ရှာပါတယ်။ သတ်ပစ် လိုက်ရင်လည်း ဘာတတ်နိုင် မှာတုံး။ ဒီအတိုင်း စင်းခံနေ ရမှာ။ နွားခိုးနှစ်ယောက် ၀ါး ချွန်စာမိတော့ ကျုပ် တော် တော်တုန်လှုပ်သွားတယ်။ အပြစ်မလုပ်ဘဲနဲ့ မသေချင် ဘူး။ မကြင်အတွက်လည်း စိတ်ပူမိတယ်။ တော်သေး တယ်။ ချင့်ချင့်ချိန်ချိန်နဲ့ အထက်အမိန့် နာခံကြလို့ အဟဲ...မယ်ဒလင်လေးကျေး ဇူးလည်း ပါသပေါ့ကွယ်”

၁၉၅၀
၁၉၅၀ ဟုတ်တယ်။ လဆန်းပိုင်းလောက်မှာ အစိုး ရတပ် စစ်ကြောင်း ၃ ခုနဲ့ ဝေါမြို့နယ်ကို အပြတ်ရှင်း မယ်ဆိုပြီး သတင်းတွေ ရ တယ်။ ဝေါမြို့နယ်က အင် အားသိပ်နည်းတယ်။ အများစု က ပဲခူးရိုးမဗဟိုရုံးနဲ့ တောင် ငူ၊ ပျဉ်းမနားဘက်တွေ ခြေ ကုပ်ယူထားတာ။ သည်တော့ ဝေါပါတီရုံးနဲ့ မိသားစု တွေအတွက် လုံခြုံမှုအားနည်း တယ်။ သူတင်၊ ကိုယ်တင် မယှဉ်နိုင်ဘူး။ သည်တော့ ပြေးရတော့တာပဲ။ ဘယ်ကို ပြေးသလဲဆိုတော့ စစ်တောင်း မြစ်ရိုးတစ်လျှောက် လျှိုတွေ ထဲမှာပေါ့။

နေက အရမ်းပူတော့ မခံနိုင်ဘူး။ လှည်းတွေပေါ် စောင်တွေတင်ပြီး လှည်း အောက် ၀င်နေရတယ်။ ည ၈ နာရီလောက် စစ်တောင်း မြစ်ရေတက်လာတော့မှ သမ္ဗန်ငှားပြီး ဟိုဘက်ကမ်း က ဘိုယားကြီးကို ကူးကြ တာ။ ဘိုယားကြီးဘက်မှာရှိ တဲ့ ကရင်တပ်က သတင်းရ လို့ ထင်တယ်။ သေနတ် ဖောက်ပြီး သူတို့ ရုံးခေါ်သွား ကြတယ်။ မနက်လင်းတော့ လွှတ်ပေးတာနဲ့ ကိုတင်မောင် ရဲ့အဒေါ်ရှိရာ မုပ္ပလင်မှာသွား ခိုတယ်။ မုပ္ပလင်မှာ ခိုနေ တုန်း သုံး၊ လေးရက်လောက် အကြာမှာ မုပ္ပလင်ဂါတ်တဲက ကိုတင်မောင်ကို လာဖမ်း သွားပါလေရော။ မိန်းမသား တွေကို မဖမ်းဘူး။ မုပ္ပလင် ဂါတ်မှာ ၂ ပတ်လောက်ကြာ တော့ အမှတ် ၁၆ တပ်ရင်း က ဗိုလ်ကြီး ခင်မောင်မြင့် ရောက်လာပြီး ကိုတင်မောင် ကို သထုံခေါ်သွားတယ်။ သထုံတပ်မှာ တစ်လလောက် ကြာပြီး ခံဝန်ချုပ်တွေမှာ လက်မှတ်တွေ အကြိမ်ကြိမ် ထိုးပြီး ပြန်ရောက်လာတယ်။ အဲဒီ အချိန်မှာပဲ အဘွားက ပဲ ခူးရောက်နေပြီ။ ဝေါမြို့သား တွေက ပဲခူးမှာ အများကြီး လေ။ သူတို့ အကူအညီပေး ကြပါတယ်။

အစ်ကိုကြီး ကိုအောင် ရွှေက ပဲခူးရိုးမကနေ အမေနဲ့ တွေ့ချင်လို့ ခွင့်ယူပြီးလာတဲ့ အချိန် အဘွားတို့ပြေးတာနဲ့ လာတိုက်ဆိုင်ပြီး ကိုတင် မောင်နဲ့အတူ သမီးယောက်ဖ နှစ်ယောက် သထုံတပ်ခေါ် စစ်တဲ့အထဲပါသွားတယ်။ အစ်ကိုလေး ကိုအောင်ဖေကတော့ ကျိုက်ထီးရိုးဘက်မှာ  ဆက်ကျန်ရစ်တယ်။ အင်း စစ်စစ်ပေါက်ပေါက် တွက် ရင် တောထဲမှာ ၃ နှစ် လောက်တော့ ရှိမယ်။

၁၉၅၁
တောထဲမှာ မွေးတဲ့ သားအကြီးက အဆုတ် အအေးပတ်ပြီး ဆုံးရှာတယ်။ ဆေးမြီးတိုတွေနဲ့ မပြည့်မစုံ ကုခဲ့ရတာလေ။ ဘယ်လိုလုပ် သက်ဆိုးရှည်မလဲကွယ်။ ဆရာဝန် မပင့်နိုင်လောက် အောင် ချိုတဲ့၊ ဆင်းရဲခဲ့တယ်။ အလင်းထဲရောက်ပြီဆိုပေမဲ့ ဘ၀ကတော့ မလင်းဘူး။ သိမ်ဇရပ်တံတားဆောက် လုပ်ရေးမှာ ကိုတင်မောင်က ကျောက်ကန်ထရိုက် ၀င်လုပ် တယ်။ ကျောက်သွင်းရတာ အတော်ပင်ပန်းဆင်းရဲခဲ့တာ ပါ။

၁၉၆၂
ကောင်းရောင်း ကောင်း  ၀ယ် အလုပ်မျိုးစုံလုပ်၊ နည်း နည်းလေးစုမိတော့ ရာတန် တွေ တရားမ၀င်တော့ဘူး ကြေညာသွားတော့ လင် မယားနှစ်ယောက်ပေါင်း ၄၀၀၀ ပဲ ရလိုက်တယ်။ တစ်ယောက် ၂၀၀၀ ပဲ လဲ ခွင့်ရတာကိုး။ ဘယ်ကွယ်၊ ဘယ်သူက သစ္စာ ရှိမှာတဲ့လဲ။ လဲပေးမယ်ဆိုပြီး ယူသွားတဲ့ ပိုက်ဆံတွေ အကုန်ဆုံးတာ။ သွားရော...ဘ၀ကို တစ်က နေ ပြန်စရတော့တာ။

၁၉၈ရ
ရဲဘော် ရဲဘက်၊ ဘ၀ အဖော်မွန်၊ သားသမီး ၈ ယောက်တို့ရဲ့ ဖခင်၊ သီချင်း လေးတွေကို ချစ်တတ်သူ လက်တွဲဖြုတ်...တမလွန်ခရီး ကို ထွက်သွားခဲ့တယ်လေ။

၁၉၈၈
တစ်ပါတီစနစ်ကို တော် လှန်တဲ့ ပြည်သူ့အရေးတော် ပုံကြီး ဖြစ်တယ်။ နောက် သားသမီးတွေထဲက နံပါတ် ၄၊ ၅၊ ၆၊ ၇၊ ၈ တကွဲတပြား စီ ထွက်ခွာသွားကြပြန်ပြီ။ ဘယ်လိုလုပ် တားလို့ ရမှာလဲ။
အဘွားသွေးပဲကွယ်။
၂၀၀၈
ညီမလေး မကျင်ပု ဆုံး တယ်။

၂၀၀၉
အစ်ကိုကြီး ကိုအောင် ရွှေ ဆုံးရှာတယ်။

၂၀၁၁
နံပါတ် ၃ သား အသည်းစီပိုးရောဂါနဲ့ ဆုံး တယ်။ စီပိုးကုဖို့ သိန်းရာ ဂဏန်းကြီးကြီးရှိမှ ရမှာဆို တော့ လုံးပါးပါးသွားရှာ တာ။


ကောင်စီရုံး၊ ရ၀တရုံး၊ ရယကရုံးမှာ ထောက်လှမ်း ရေးက ခေါ်ခေါ်စစ်တာမျိုး မရှိတော့ဘူး။ အခုတော့ သား တွေ သမီးတွေနဲ့ ခွဲခွာရတာ နှစ် ၂၀ ကျော်ခဲ့ပြီ။

ဒီမိုကရေစီ လမ်း ကြောင်းပေါ် သွားနေကြပြီ။
အဝေးကသူတွေ ပြန် လာနိုင်ပြီဆိုတော့...
သားသမီးမြေးမြစ် တစ်ပြုံတစ်မနဲ့ မသေခင် လေး နေချင်တာပေါ့။
နေခွင့်ရမှာပါနော်။

သားသမီးတွေနဲ့ တပျော်တပါး သီဆိုခဲ့တဲ့ ဆရာ ရွှေတိုင်ညွန့်ရဲ့ ဇာတိ မာန် သီချင်းကို အခုချိန်မှာ မြေးမြစ်တွေနဲ့ပါ မြိုင်မြိုင်ဆိုင် ဆိုင် ဆိုချင်လိုက်တာ။
မျိုးကျက်သရေ
တိုးတက်စေ
အောင်ကြောင်း
မင်္ဂလာအခြေ
မိုးအောက်မြေ
တန်ခိုးတောက်ပေ
ခေတ်ကောင်း
ရောက်ပြီလေ
အောက်ကျမခံဘူးဟေ့
အမျိုးသားတို့ရေ
အောက်ကျမခံဘူးဟေ့ အမျိုးသမီးတို့ရေ
ရဲသျှမ်း
(ရွှေအမြုတေ မဂ္ဂဇင်း၊အောက်တိုဘာလ ၂၀၁၂

သားကောင်များ


၁-က
တောင်ဆိတ်အုပ်စု အကောင် ၄-၅ဝ ခန့်တော့ရှိမည်။ စမ်းချောင်းလေးဆီလား၊ မြက်စိမ်းနုစိုစိုဆီလား၊ အစုအဝေးလိုက် စည်းချက်မှန်ခြေလှမ်းတို့ဖြင့် တစ်လှမ်းချင်းတစ်ရွှေ့ချင်း သောကမရှိ၊ အပူအပင်မရှိ။
၁-ခ
သူတို့ရုံးမှာ ဝန်ထမ်း ၂ဝ ကျော်ရှိသည်။ အငယ်တန်းစာရေး၊ အကြီးတန်းစာရေး၊ စာပေးစာယူ စာရေး၊ ဌာနခွဲစာရေး၊ လက်နှိပ်စက်စာရေး၊ ကွန်ပျူတာကျွမ်းကျင်စသည်ဖြင့် သူ့Sectionအလိုက် ရာထူးအဆင့် အမျိုးမျိုး ရှိသည်။ စားပွဲ ၁ဝလုံးမျက်နှာချင်းဆိုင်ထားပြီး အလယ်ကလျှောက်လမ်းဖြစ်သည်။
စားပွဲတွေနောက်မှာ စာရင်းဇယားစာအုပ်များထည့်ထားသည့် ဦးစားပေးအဆင့်အတန်းမှတ်သားထားသော ဘီရိုကြီးများ နှင့် စာရွက်ဖိုင်များတင်ထားသည့် စင်ကြီးများရှိသည်မို့ ရုံးခန်းကအကျယ်ကြီးဟုလည်းမဆိုသာ။ လက်ထောက် ညွှန်ကြားရေးမှူး သူ့စာပွဲကမျက်နှာချင်းဆိုင် စားပွဲတွေကို ထိပ်ကပိတ်ထားသည်အလား ရှိသည့်အတွက် ဝန်ထမ်းအားလုံး၏ လှုပ်ရှားမှုကို မမြင်လိုပါပဲ မြင်နေရသည်၊ မကြည့်လိုပါပဲ ကြည့်နေရသည်။ သူနှင့် မျက်နှာချင်း ဆိုင် ရုံးအဝင်ပေါက်နံရံရှိ ၂၆ လက်မ LCDတီဗွီ၏ မြင်ကွင်းလိုပဲဖြစ်နေသည်။ ညွှန်ကြားရေးမှူး၏ လေအေးပေးစက်အခန်းထဲမှာ Skynet Boxထားပြီး ၄င်းကိုယ်တိုင်ကလည်း LCDတီဗွီ တစ်လုံးနှင့် အစီအစဉ်တွေကို ကြည့်နေတတ်သည်ဆိုတော့ သူတို့ရုံးခန်းရှေ့ တီဗွီအစီအစဉ်က ညွှန်ကြားရေးမှူး၏ ဆန္ဒအတိုင်းပဲဖြစ်လို့နေသည်။ ရုံးတာဝန်ချိန်မှာ တီဗွီကြီးဖွင့်ထားတာ မကောင်းပါဘူးဟု ဘယ်သူကမှလည်း စောဒကမတက်၊ ဝေဖန်ရေးမလုပ် တာဆိုတော့ ဝန်ထမ်းများအားလပ်ချိန်(သူကတော့
သူ့ဝန်ထမ်းတွေ အမြဲတမ်း အားနေသလိုပဲ ဟုထင်သည်) မှာ တီဗွီအစီအစဉ်က ငေးမောစရာ ကောင်းလှ သည့် ဖျော်ဖြေရေးအစီအစဉ်ပဲဖြစ်သည်။ ခက်တာကညွှန်ကြားရေးမှူး ၏ ခံစားချက်သည် တောကောင်တွေ ၏ သဘာဝကို နှစ်သက်ဟန်ရှိသည်။
အချိန်တော်တော်များများမှာ Worldwide Channel ကိုပဲ ဖွင့်ထားတတ်သည်။ သည်တော့ သူ့မှာ မမြင်လိုဘဲ မြင်နေရ၊ မကြည့်လိုဘဲ ကြည့်နေရတော့သည်။
''အဲ့သည်နေရာက နေရာကောင်း၊ အင်းလေ အမြန်ဆုံးကျအောင် ဆက် တင်ပေးလိုက်မယ်''
စာပေးစာယူ စာရေးလေးရဲ့ ပြာတာတာအသံ။
''နည်းနည်းတော့ခက်တယ်၊ ရုံးချုပ်အဝင်၊ အထွက်လိုတယ်''
အကြီးတန်းစာရေးမကြီးရဲ့ စူးရှရှစကားသံ။
''ကွန်ပျူတာရိုက်ရမယ်၊ မြေပုံဆွဲရမယ်၊ အော်တိုကတ်နဲ့မှအဆင်ပြေမှာ၊ မိတ္တူတွေကလည်း လိုသေးတယ်'' ကွန်ပျူတာကျွမ်းကျင်ရဲ့ သြအက်အက် စကားသံ။
''လျှောက်လွှာတွေကတထပ်ကြီး၊ ဦးစားပေးလုပ်ပေးရမှာဆိုတော့ ...အင်း''
ဌာနခွဲစာရေးကြီးရဲ့ သွေ့ခြောက်ခြောက် အသံ။
အားလုံးတညီတညွတ်တည်း ခြေလှမ်းတို့စည်းချက်အမှန်၊ ကိုယ့်စားပွဲအသီးသီးမှာ အထုပ်ကလေးတွေ စာအိတ်ကလေးတွေ ကိုယ်စီကိုယ်စီဖြင့် နေ့တဓူဝ ရုံးဆင်းအပြန်မှာ မိသားစု ဆန်ဖိုး၊ ဆီဖိုး၊ စာအုပ်ဖိုး၊ ဖယောင်းတိုင်ဖိုး၊ အရက်ဖိုး၊ ဖဲဖိုး၊ နှစ်လုံးဖိုး၊ ကာရာအိုကေဖိုး၊ မာဆတ်ဖိုး တစ်ခု သို့မဟုတ် နှစ်ခု သို့မဟုတ် အားလုံးလည်း ဖြစ်သွားနိုင်ပါသည်။
၂-က
သည်အခိုက်မှာပဲ ... တောင်ဆိတ်တို့ ဖရိုဖရဲဝရုန်းသုန်းကား။ တော၏ဘုရင် ခြင်္သေ့တစ်ကောင်က တောင်ဆိတ်အုပ်စုဘေးမှ တဝေါင်းဝေါင်းဟောက်သံပြုပြီး ပြေးလိုက်လာသည်။ မြင်ကွင်းက ကြည်နူးဖွယ်ရာမှ အကျည်းတန်အဖြစ် ရုတ်တရက်ပြောင်းသွားပြီ။ ခြေလှမ်းများစည်းချက်ညီရာမှ ရှုပ်ရှုပ်ထွေးထွေးဖြစ်ကုန်ပြီ။ အငြိမ်မှအဆူသို့ ဒရမ်ရိုက်ချက်ပြောင်းသွားသလို ခံစားရသည်။ မြင်ကွင်းမလှတော့ တောင်ဆိတ်တို့၏ မျက်လုံးအရောင်က ကြောက်လန့်တုန်လှုပ်မှုတို့ဖြင့် ဖွဲ့တည်နေသည်။ လွတ်အောင်ပြေးဆိုသည့် အသိမှတပါး အခြားမရှိသည့် အသွင်သဏ္ဍန်များပဲဖြစ်မည်။
ခြင်္သေ့က ပါးနပ်သည်။ အကောင်ကြီးကြီးကိုဟန့်ပြီး အကောင်ငယ်ကိုချောင်းသည်။
ခြေလှမ်းမှားမည့်၊ သင်းကွဲဖြစ်သွားမည့် တောင်ဆိတ်ငယ်ကိုသာ အမိအရဖမ်းဆွဲဖို့ပဲ အားထုတ်ဟန်ရှိသည်။ ခြင်္သေ့က တောင်ဆိတ်အုပ်စုနှင့်သာ ပြိုင်ပြေးနေပေမယ့် အကြည့်က ပဲ့ထွက်သွားမည့် ခြေလှမ်းမှားမည့် အကောင်ကိုသာ မဲနေသည်။
''မင်းကို ကိုက်သတ်မယ့်ကောင်...ဘေးဖဲ့မထွက်နဲ့ သစ်ရွက်နု၊ မြက်စိမ်းနုနုကို စားချင်တာပဲ မကြည့်နဲ့လေ..။ ဟာ ဒုက္ခပဲ အုပ်စုမကွဲနဲ့။ ဒီကောင်မင်းတို့အုပ်စုထဲ မဝင်ရဲဘူး။ ဘေးကပတ်ပြီး လှန်းခြောက်မှာ သင်းကွဲမဖြစ်စေနဲ့။ သင်းကွဲဖြစ်ရင်တော့ လွတ်လွတ်ကျွတ်ကျွတ်ဆွဲသွားမှာ''
ရင်ထဲကစကားများပဲ ဖြစ်ပါသည်။ တီဗွီအစီအစဉ်ကတော့ သူ့ရင်ထဲကစကားများကို နားလည်လိမ့် မည်မဟုတ်ပါ။ ဝုန်း ကနဲ ခုန်အုပ်လိုက်ချိန်မှာတော့ တောင်ဆိတ်ငယ် တစ်ကောင်၏ လည်မြိုကို ခဲမိသွားပြီး ခြင်္သေ့က အုပ်စုထဲမှ တရွတ်တိုက် ဆွဲထုတ်သွားသည်။ ကျန်သည့်ကောင်များကတော့ ကြောက်လန့်တကြား
ကစဥ့်ကလျား ပြေးလျက်။ ခြင်္သေ့၏ အားကောင်းသန်မာသော မေးရိုး၏ အလှုပ်အရှားဖြင့် ချွန်းမြမာကြော သော သွားစွယ်များအောက် အသက်ပျောက်လုဖြစ် အသံမထွက်နိုင်တော့သော တောင်ဆိတ်သင်းကွဲလေး ကို ထားရစ်ခဲ့ပြီ။
တော၏ သဘာဝနိယာမ။ အားကြီးသူမှ အားနည်းသူတို့အပေါ် ရက်စက်သော သတ်ဖြတ်မှု။
တောင်ဆိတ်တစ်ကောင်ကား ခြင်္သေ့၏ ပယ်ပယ်နယ်နယ် ဖဲ့ရွဲ့မြိန်ရေယှက်ရေ စားသောက်မှုအောက်မှာ ပုံပျက်ပန်းပျက်ဖြစ်သွားတော့သည်။
ခြင်္သေ့ကား စိမ်ပြေနပြေ စားသောက်ပြီး ပါစပ်တစ်ဝိုက် ပေကျံနေသော သွေးစသွေးနများကို လျှာနှင့် သိမ်းလျှက် အားရကျေနပ် ဗိုက်ဝသွားပြီမို့ တစ်လှမ်းချင်းရွေ့ကာ ရိပ်မြုံဆီ ပြန်အသွားမှာတော့ ခြုံအကွယ်မှ သွားရည်တမြားမြားကျလျှက် ချောင်းနေသော တောခွေးအုပ်စုကအိနြေ္ဒမဲ့စွာ အရိုးအရင်းကို လုယက် ကိုက်ခဲနေကြပြန်သည်။
တောင်ဆိတ်အုပ်စုက ဟိုးခပ်လှမ်းလှမ်းမှာ။ စောစောက အထိတ်တလန့်သည် အရိပ်လိုပဲ လိုက်ပါနေဟန် ရှိသည်။ ရိပ်မြုံသို့ ပြန်ရောက်ရေးပဲ အလေးထားနေကြပြီထင့်။ သစ်ရွက်နုလေးများ၊ မြက်နုလေးများ၊ ကြည်လဲ့သော စမ်းရေအိုင်လေးတို့ကို ရှိသည်လို့ မအောက်မေ့တော့။ အထိတ်တလန့် မျက်ဝန်းများက အခုထိမှုန်မှိုင်းနေဆဲ။ အစာဝဗိုက်ပြည့်သွားပြီဖြစ်သော ခြေင်္သေ့သည်လည်း တောင်ဆိတ်အုပ်စုကို ရှိသည်လို့ပင်မထင်သည့်အလား လေးတွဲပျင်းရိစွာ ရွေ့လျားနေသည်။
နောက်တော့လည်း တောကသစ်ပင်တို့၏ စိမ်းမြမှု၊ ရေ၏ကြည်လင်မှု၊ တော်ကောင်ငယ်အုပ်စု၏ ကြောက်ရွှံ့မှုမဲ့လှုပ်ရှားသွားလာမှု၊ တောကောင်ကြီးများ အိနြေ္ဒရရဖြင့် ရမ္မက်ဆန္ဒပျောက်နေမှု တို့ကြောင့် မြင်ကွင်းက သာသာယာယာဖြစ်လို့ သွားသည်။ မမြင်ဝံ့၊ မကြည့်ဝံ့သော အနိုင်ကျင့်စိုးမိုးမှုက ငြိမ်သက် သွားပြန်သည်။ အကျည်းတန်မှုများ ထပ်မံမမြင်ရတော့။ World Wide Channel အစီအစဉ်မှာ ကြီးနိုင်ငယ်ညှဉ်း သတ်ဖြတ်စားသောက် ရက်စက်သော အနိဌာရုံက ပါလာတတ်မြဲမို့ သူက သည်အစီအစဉ် ကို မနှစ်သက်သော်လည်း မမြင်ချင်လည်းမြင်နေရ၊ မကြည့်ချင်လည်း ကြည့်နေရ သည်ဆိုတော့ တခါတရံမှာ
မျက်စိစုံမှိတ်ခေါင်းငုံ့လျက် အာရုံကို လွှဲဖယ်နေမိသည်။ ကြည့်မိ၊ မြင်မိသည့် ခဏမှာတော့ တောင်ဆိတ်လေးများကို အားမလိုအားမရ ဖြစ်နေတတ်သည်။

၂-ခ
င်္Fax ဖြင့်ဝင်လာသော ရုံးစာတစ်စောင်က စာပေးစာယူမှတဆင့် အမှုထမ်းဌာန၊ အဲသည်မှတဆင့် ဌာနခွဲစာရေး နှင့် ရုံးအုပ်တို့ကို အဆင့်ဆင့်ဖြတ်ပြီးနောက် ရုံးလုလင်လေးက သူဆီလာပေးတော့ စာရွက်မှာ တံဆိပ်တုံးတွေ ဗရပွဖြစ်နေပြီ။
စာအမှတ်၊ ရက်စွဲတို့ကို ခပ်လျှမ်းလျှမ်းဖတ်ပြီး အကြောင်းအရာကို ဖတ်မိတော့မှ သူမျက်မှောင်ကျုံ့မိ သွားတော့သည်။ မျက်ခုံးထူထူများ အောက်သို့ကွေးညွှတ်။ အကြောင်းအရာအောက် စာကိုယ်ကို တစ်လုံးချင်း၊ တစ်ပိုဒ်ချင်းဖတ်သည့် အခိုက်မှာ သူ့ရင်ထဲ ဆို့ဆို့နင့်နင့်ဖြစ်သွားလေသည်။
...၏ တိုင်စာအရ ------------------------------------------။ သို့ ဖြစ်၍ တရားမဝင် ငွေကြေးအပိုတောင်းခံသော အငယ်တန်းစာရေး ဦးဝင်းကိုလတ်အား ရာထူးမှ ချထားလိုက်သည်။ ဌာနဆိုင်ရာ စစ်ဆေးမှုအတွက် ဥက္ကဋ္ဌ ဦး--------၊ အဖွဲ့ဝင်(၁) ဦး -------နှင့် ဦး --------- တို့ဖြင့် ဖွဲ့စည်းလျှက် ------------ နေ့ နောက်ဆုံးထား စစ်ဆေး အစီရင်ခံစာပေးပို့ရန် ညွှန်ကြားလိုက်သည်။
စုံစမ်းစစ်ဆေးမှု အဖွဲ့ဝင်အဖြစ် သူပါရအုံးမည်။ သူသက်ပြင်မောချပြီး ခေါင်းအမော့မှာ တီဗွီဆီသို့ အကြည့်ရောက်သည်။
၃-က
သည်တခါမြင်ကွင်းက သမင်လေးတွေပဲဖြစ်သည်။ သမင်ဖို၊ မ ၊ သမင်ငယ်လေးများ။ ဂျိုတကားကားဖြင့် သမင်ဖိုကြီးတွေက ကြည့်လို့တော့ကောင်းသည်။ ခမ်းခမ်းနားနား၊ မားမားမတ်မတ်၊ ဝင့်ဝင့်ကြွားကြွားနဲ့မို့ တော၏ အရောင်အသွေး စိမ်းမြမြနှင့် လိုက်ဖက်လွန်းသည်။ မြက်နုလေးတွေ၊ သစ်ရွက်နုလေးတွေကို အေးချမ်းစွာ စားနေသည်ကိုက အပူအပင်ကင်းစွာ။
သမင်ငယ်လေးတွေ မြူးတူးခုန်ပေါက်နေပုံက ချစ်ဖို့ကောင်းသည်။ အပြစ်ကင်းမဲ့သော တောကောင် ငယ်လေးတွေ ၏ လှုပ်ရှားမှုက အဟန့်အတား မရှိတော့ပြီဆိုတော့ လွတ်လပ်စွာ မြူးတူး ပျော်ပါးနေသည်ကို
တွေ့ရသည်။ သူတို့ သစ်ရွက်နု၊ မြက်စိမ်းနုနုလေးတွေကို စားနေစဉ်မှာ ကျား၊ ခြင်္သေ့၊ ကျားသစ်စသည့် သားစားကျူးသော တောကောင်ကြီး တစ်ကောင်ကောင် သို့မဟုတ် တောခွေး၊ ခွေးအအုပ်စုများ ပေါ်လာမလားဟု စိတ်တထင့်ထင့်ဖြင့် ကြည့်နေမိသည်။ တောကောင်ငယ် သမင်လေးတွေ၏ အနံ့ခံအာရုံမှာ
ဘာမှမရှိဟန် ဖြစ်ပေါ်နေပုံ ရသည်။ လှုပ်လှုပ်ရှားရှားမရှိ။ အန္တရာယ်အနံ့မရဟု ထင်ပါသည်။ ချစ်စရာ သမင်အုပ်စုလေး အစာဝပြီထင့်။ ရေချောင်းလေး ဆီ တရွေ့ရွေ့ချဉ်းကပ်လာသည်။
ဟော.. ငြိမ်သက်နေသဖြင့် သစ်တုံးဟုထင်မှတ်မှားရသော မိချောင်းတစ်ကောင် ..။ တော်တော့်ကို ကြီးပါသည်။ ဘုရား ...ဘုရား သမင်းလေး တစ်ကောင်ကောင်တော့ ပါသွားတော့မှာလား။ သူစိုးရိမ်ကြီးစွာ ကြည့်နေမိသည်။
''ဟေ့ ...မင်းတို့ရဲ့ရန်သူ ရေထဲမှာ၊ သစ်တုံးယောင်ဆောင်နေပြီ၊ အမြီးတစ်ချက် ယမ်းလိုက်တာနဲ့တင် ရေထဲဘိုင်းကနဲ ပစ်ကျပြီး အလျားရှည် ပါးစပ်ကြီးရဲ့ ချွန်မြ ထက်ရှတဲ့ သွားတွေအောက်မှာ ပွဲသိမ်းသွား လိမ့်မယ်။ သတိ...သတိထား ရေလယ်ထိမဆင်းနဲ့''
၃-ခ
ဝင်းကိုလတ်အား ရာထူးချ ရုံးစာထုတ်ဖို့ ထုံးစံအတိုင်း တစ်ဆင့်ချင်း လက်လွှဲလျှက် စာကြမ်းတစ်စောင် သူ့ဆီရောက်လာသည်။ စာကြမ်းဖတ်ပြီး လိုဖြည့်၊ ပိုဖြုတ်၊ သတ်ပုံသတ်ညွှန်းပြင်ပေးပြီး လက်မှတ်တို ထိုးပေးတော့ စာပွဲအသီးသီးသို့ တစ်ဆင့်ချင်းပြန်သွားကာ နောက်ဆုံး ကွန်ပျူတာရိုက်ပြီး သူ့လက်ထဲရောက်တော့ ရုံးပင်ဆင်းလုပြီ။ ဝင်းကိုလတ် သိထားပြီးဖြစ်မည်။ မျက်စိမျက်နှာ ပျက်နေပြီ။
ကျန်ဝန်ထမ်းများကလည်း သိထားပြီးဖြစ်ပုံရသည်။ ဒါမျိုးက ချက်ချင်းသတင်း ပျံ့လွယ်သည်ပဲ။
''အင်း လုပ်ပေးရမှာပေါ့ ...သိတယ်မဟုတ်လား''
''သည်တစ်ခါတော့ ဆင်တစ်ကောင်လုပ်ပါနော်''
''ခက်ခက်ခဲခဲ လုပ်ပေးရမှာဗျ...အိုကေ...အိုကေ''
''ရေလေးတော့ လောင်းခဲ့ပါအုံးအမကြီးရာ''
ကြားနေကြအသံများ ငြိမ်ဆိတ်သွားသည်။ အထိတ်တလန့် ဖြစ်သွားကြပြီထင်သည်။
ရုံးအဆင်းမှာတော့ခါတိုင်းလို ကျွက်စီကျွက်စီမဟုတ်တော့ဘဲ စကားတို့ဆွံအလျှက် ...။ ဝင်းကိုလတ် ကတော့ နောက်တစ်နေ့ ရုံးလာတက်စရာ အကြောင်းမရှိတော့ပြီ။ စုံစမ်းစစ်ဆေးအရေးယူမှု မပြီးမချင်း နေရပေအုံး မည်။ လာဘ်ပေးလာဘ်ယူ ပပျောက်ရေး အလေးထားဆောင်ရွက်နေသော ကာလ၊ အဂတိပပျောက်ရေးကို အစွမ်းကုန် ဆောင်ရွက်နေသောကာလ၊ အကျင့်ပျက်ခြစားမှု တိုက်ဖျက်ရေးကာလ မှာ ဝင်းကိုလတ်အဖို့
အဆိုးဆုံး အနေအထားကိုသာ ငံ့လင့်နေလိမ့်မည်ထင်သည်။ တိုင်ကြားသူက အပိုင်ချည်ပြီး တုတ်ပြီး မလှုပ်သာ၊ မလူးသာ အနေအထားကို ဆုပ်ကိုင်ထားသည်။ ဝင်းကိုလတ် ရုန်းထွက်ဖို့ မစွမ်းသာဟု သူထင်သည်။
၎-က
သူ့စိုးရိမ်ပူပန်မှုဖြင့် သမင်အုပ်စုကို ဟန့်တား၍ ရပါက ဟန့်တားလိုက်ချင်ပါသည်။ TVအစီအစဉ် ရိုက်ကူး သူတို့၏ နှလုံးသားကို သူအံ့သြနေမိသည်။ ဒါဟာ ဖျော်ဖြေမှုလား၊ ဒါမှမဟုတ် အကြင်နာ ကင်းမဲ့တာလား၊ သူဝေခွဲရခက် တွေးဆနေဆဲမှာပဲ ရေချောင်းကလေးက ရေစက်ရေမှုန်တို့ ဖွာကနဲဖြစ်ပြီး ဝရုန်းသုန်းကားဖြစ်သွား တော့သည်။
အတင့်ရဲတာလား၊ ရှေ့ကဦးဆောင်တာလား၊ သတိကင်းမဲ့တာလားမသိ။ သမင်ဖိုကြီး တစ်ကောင်၏ လည်ပင်းက မိကျောင်းကြီး၏ အလျားရှည် ပါးစပ်ထဲမှာ မလွတ်တန်းဖြစ်နေပြီ။ ရုန်းရင်းကန်ရင်းမှာပဲ ချောင်းငယ်လေး၏ ရေပြင်က သွေးချင်းချင်း နီသွားတော့သည်။ ကျန်သောသမင်တို့ ရေချောင်းလေးကနေ
ကုန်းပေါ်သို့ ကြောက်လန့်တကြား သူ့ထက်ငါဦးအောင်တက်ရင်း အလုအယက်ပြေးနေကြသည်။
တော၏အရောင်၊ အရိပ်တို့ကား အကျည်းတန်သွားပြန်လေပြီ။
၎-ခ
ဌာနခွဲပေါင်းစုံအတွက် လိုအပ်သော စာရေးကိရိယာများ ထုတ်ပေးရသော သူနှင့်ရာထူးတူ သိုလှောင်ရုံအကြီးအကဲ ဒေါ်ချောချောကို ထိန်းသိမ်းလိုက်ပြီး ၄င်း၏အိမ်ကိုပင် ချိတ်ပိတ်လိုက်ပြီ ဆိုတော့ သူတို့ တစ်ရုံးလုံး တီးတိုးတီးတိုး၊ သဖန်းပိုး ဖြစ်ကုန်ကြသည်။
'' နောက်တောင်ကျနေသေး စောစောထဲကလုပ်ရမှာ''
'' သားသမီးတွေကို စင်္ကာပူမှာ ကျောင်းထားတဲ့ အဆင့်ဆိုတော့ ဘယ်လောက်ဝိုက်ထားမှန်းမှ မသိတာ''
'' ဒါလည်း တိုင်တဲ့သူပေါ်လာလို့ လုပ်ရတာနေမှာ၊ နိုမို့ဝေးသေး ''
'' ဒေါ်ချောချော နောက်မှာ၊ ရှေ့မှာ အများကြီး တစ်နွယ်ငင်တစင်ပါ... ရှုပ်ကုန်မှာပဲ''
စကားသံများကတော့ သွေးပူစမှာ ပျံ့လွင့်လို့နေသည်။ သူတို့တစ်ရုံးလုံး မျက်နှာတွေမကောင်းကြ။ လေးညှို့သံတွေကြားမှာ နေရမှတော့ ညောင်သီးစားဖို့ကြောက်ရွံ့နေသည့် ငှက်ကလေးတွေလို ဖြစ်နေကြပြီဟု
သူကတွေးနေမိသည်။
၅-က
ယုန်ကလေးတွေ၊ ချေငယ်လေးတွေ၊ သမင်လေးတွေ၊ ဒရယ်လေးတွေ၊ တောဆိတ်၊ တောင်ဆိတ်စသည့် တောကောင်ငယ် လေးတွေက လိုအပ်သော အဟာရအတွက် သစ်သီး၊ သစ်ရွက်၊ မြက်ခင်းနုနုလေးတွေနှင့် စမ်းချောင်းရေအိုင်လေး တွေဆီ အချိန်တန်တော့လည်း ရောက်လာရတာပဲဖြစ်သည်။
သားစားကျူးသော ကျားရဲ၊ ခြင်္သေ့၊ မိကျောင်း တို့၏ ရန်ကို ရှောင်ရင်းတိမ်းရင်း၊ ကံဆိုးသူကျန်ရစ်ရင်း၊ တော၏ ဂေဟစနစ်က သည်အတိုင်းပဲ ဖြစ်နေပါလိမ့်မည်။
၅-ခ
'' အမြန်ဆုံးကျအောင်တင်ပေးမယ်နော်... ဆရာသမားကိုပါကန်တော့ရမှာဆိုတော့ ...''
'' လမ်းစရိတ်လေးပါထည့်ပေးလေ... လက်ဖက်ရည်ဖိုးလောက်သာဆိုရင် နည်းနေမှာပေါ့''
'' သဘောပေါက်ပါတယ်နော်.. ဝန်ဆောင်မှုဆိုတာကို''
''ကျွန်တော့်အဆင့်နဲ့မပြီးဘူး၊ အဆင့်တွေအများကြီးဖြတ်အုံးမယ်''
သူ့ရုံးဝန်ထမ်းများက ကြည့်ရင်းကြည့်ရင်းမှာပင် သမင်လေးတွေ၊ ချေငယ်လေးတွေ တောင်ဆိတ်လေး တွေနှင့် တူပဲတူနိုင်လွန်းသည်ဟု သူကထင်နေမိလေသည်။
သူကရော...ခုခံနိုင်စွမ်းရှိသည့် ချိုကားကားနှင့် တောကျွဲလောက်တော့ဖြစ်နေမလား။ တောကျွဲလည်း အကြောက်အရွံ့မဲ့ အစာငမ်းငမ်းတက်ဖြစ်ပြီး သတိ ကင်းလွတ် သင်းကွဲဖြစ်ချိန်မှာ သားကောင်ကြီး ၂ကောင် ၃ ကောင် ညှပ်လျက်တိုက်ခိုက်လျှင်တော့ ...။
သူ...ကြက်သီးမွေးညှင်းထသွားလေသည်။
လိုအင်ဆန္ဒအတွက် အချိန်တန်တော့လည်း...။
တစ်ခုတော့ရှိသည် လူနှင့်တိရစ္ဆာန်မှာ လူက လောဘနှင့်ပိုမိုယဉ်ပါးနေတတ်ပါသည်လေ။


ရဲသျှမ်း